As entidades do CERMI Galicia conmemoran o Día Internacional das Persoas con Discapacidade
Galicia atópase desde este luns inmersa na fase 1 da desescalada prevista polo goberno central para superar a crise sanitaria na que se atopa o país por mor da pandemia do COVID-19.
Nesta fase, tal e como se indica no capítulo V do Boletín Oficial del Estado (BOE) do pasado sábado 9 de maio, “os centros onde se presten servizos e prestacións recollidos no Catálogo de Referencia de Servicios Sociais deberán estar abertos e dispoñibles para a atención presencial á cidadanía, sempre que esta sexa necesaria” e “cando sexa posible, darase prioridade á prestación de servizos por vía telemática, reservando a atención presencial a aqueles casos en que resulta imprescindible”.
Tras coñecerse a posibilidade de apertura dos centros de día e de atención á discapacidade, o presidente da Xunta, Alberto Núñez Feijóo, confirmou que Galicia non a vai levar a cabo namentres non conte con protocolos aprobados polo Comité Clínico do Sergas. Feijóo indicou que estes colectivos “necesitan dunha estratexia de apertura e circuítos para o persoal e os usuarios máis seguros”.
Está previsto que o comité clínico que asesora á Xunta de Galicia se reúna estes días para abordar, entre outras cuestións, a elaboración dun protocolo que avale esta reapertura.
Pola súa banda, mentres non existan novas indicacións ao respecto, as entidades Down seguirán prestando servizos a distancia por medios telemáticos como levan facendo desde o inicio do estado de alarma.
Máis información na web da Xunta de Galicia: https://bit.ly/2SWx9yN
Entradas relacionadas
