Down Galicia estrea un vídeo explicativo sobre a nova reforma lexislativa en materia de discapacidade
Tendo moi en conta a nova realidade social na que nos atopamos, con máis de 12 millóns de persoas vítimas da pobreza ou da exclusión social no noso país, desde Down Galicia sumámonos ao Terceiro Sector de Acción Social e animamos ás empresas para marcar a casiña Empresa Solidaria para tratar de aliviar esta situación. Cun sinxelo xesto, as empresas solidarias poderán contribuír a lograr unha sociedade máis xusta, igualitaria e inclusiva ao seleccionar a casiña 00073 (modelo 200) ou a 069 (modelo 220) do seu Imposto de Sociedades. Trátase dunha acción totalmente voluntaria, que non supón ningún gasto adicional á empresa.
Para iso, as empresas poderán, a partir deste 1 de xullo, destinar o 0,7% da cota íntegra que declaran a financiar proxectos sociais, segundo a Lei de Orzamentos Xerais do Estado de 2018.
Ademais, con esta medida, as empresas poñerán de manifesto o seu compromiso solidario coa sociedade, xerando impacto social positivo e valor, non só para a empresa senón tamén para a sociedade. Poñerán en práctica a súa Responsabilidade Social Corporativa (RSC) e estarán a contribuír á execución dos Obxectivos de Desenvolvemento Sostible (ODS) e a Axenda 2030 coa procura de alianzas e novos escenarios de colaboración co Terceiro Sector.
Para dar visibilidade a esta nova medida elaborouse material informativo co obxectivo de que as empresas coñezan esta campaña, coordinada pola Plataforma de ONG de Acción Social xunto coa Plataforma do Terceiro Sector ( PTS). Todos os materiais e detalles da campaña ‘MasQueNuncaEmpreXas’ pódense consultar na web, a través deste enlace.
Entradas relacionadas
