Mozos e mozas de Down Lugo continúan mellorando a súa autonomía no ámbito doméstico
A Asociación Down Vigo inaugurou o pasado venres día 7 de agosto a exposición “El viaje de mi vida” no centro comercial Gran Vía da cidade olívica. A mostra artística, que está aberta ata o venres 21 deste mes, consta de oito tapices de tea confeccionados a man polo grupo de Habilidades Adaptativas de Down Vigo, coa axuda do equipo docente do servizo de formación.
Os tapices están deseñados coa técnica do patchwork, que consiste en unir anacos de tea diferentes entre si para crear deseños únicos e orixinais. Cada peza xorde dunha vivencia que, mediante a combinación de cores, teas e disposición, toma corpo e sentido. O resultado son estes oito tapices, que narran aspectos íntimos da persoa e que recollen a súa experiencia vital.
Durante o proceso de creación, “El viaje de mi vida” transformouse nun percorrido emocional onde cada un dos participantes da entidade, a través da arte, plasmou as súas vivencias, os seus sentimentos ou os seus recordos.
Un dos usuarios, Antonio, reflicte como cambiou a súa vida grazas á asociación. Para Arancha representa as dificultades do envellecemento. Lola reflexiona sobre o duelo e como aprender a vivir con el sen perder a vitalidade. Lucía M. rende homenaxe á súa familia, a que están e a que xa non está. Lucía R. soña cun tapiz e unha vida de conto de fadas. Igual que Manuela, que expresa os seus desexos e inquedanzas. O tapiz de Marcelo trata dunha parte moi íntima da súa vida: como viviu a emigración. Como Noa, que ten o seu corazón dividido en dous países. Cada tapiz é único, como cada historia é única.
Entradas relacionadas
