CERMI Galicia elixe a Luciano Fernández como novo presidente
A Comisión de Xustiza do Congreso dos Deputados reunirase mañá, 10 de setembro, para debater e informar sobre a Proposición de Lei de modificación do Código penal para a erradicación da esterilización forzada ou non consentida de persoas con discapacidade incapacitadas xudicialmente (Orgánica).
Con esta acción, comeza o proceso lexislativo que poñerá fin a unha práctica que atenta gravemente contra os dereitos humanos das persoas con discapacidade, especialmente mulleres e mozas.
A iniciativa foi presentada hai uns meses no Senado, a partir dun texto da Fundación CERMI Mulleres. A proposta foi tomada en consideración por unha ampla maioría da Cámara Alta, polo que pasou ao Congreso para o inicio da súa tramitación.
En fase de emendas, só un partido presentou propostas de modificación, referidos a aspectos técnicos secundarios da iniciativa, polo que se espera que o Congreso a aprobe con gran respaldo parlamentario.
En marzo de 2019, o Comité de Dereitos das Persoas con Discapacidade de Nacións Unidas, na revisión a España sobre o cumprimento da Convención Internacional sobre os Dereitos das Persoas con Discapacidade, instou ao noso país a desterrar da lexislación nacional a esterilización non consentida de persoas con discapacidade, obxectivo que pretende esta iniciativa.
Conferencia Down: Relacións afectivo-sexuais
Desde Down Galicia celebramos a previsible derrogación da esterilización forzada no noso país, pois é un asunto que nos preocupa profundamente, así como o dereito das persoas coa síndrome de Down a ter relacións afectivo-sexuais satisfactorias.
Coincidindo coa data na que se reúne a Comisión de Xustiza para tratar o fin desta práctica, Down España organiza a conferencia online “Aspectos xurídicos nas relacións sexuais das persoas con síndrome de Down”, con Cristóbal Francisco Fábrega Ruiz, fiscal de Familia, Estranxeiría e Discapacidade (xoves, 10 de setembro – 19:00 horas)
Durante a mesma, o experto explicará os problemas legais da vivencia da sexualidade de persoas do colectivo, xerados polas condutas relacionadas coa idade madurativa. Doutra banda, o fiscal falará sobre as relacións afectivo-sexuais, a vida autónoma en parella ou a reprodución e coidado de fillos.
O enlace para poder acceder á conferencia, vía Zoom, é o seguinte: https://us02web.zoom.us/j/82522872733
Entradas relacionadas
