Ana, Rocío e Guillermo comezan a traballar en dúas empresas da cidade de Vigo
A pasada semana, Down Vigo fixo entrega á ONG Bicos de Papel da recadación obtida coa súa campaña de camisetas solidarias “Proxecto Xx”, realizada en colaboración coa empresa de ecoprint Las Flores de Greta e na que tamén participou o barista Marcos González.
O acto tivo lugar nas inmediacións do local de Down Vigo, cumprindo así coas recomendacións sanitarias por mor da pandemia por COVID-19. As representantes de Bicos de Papel, entidade que axuda a nenos e nenas oncolóxicos e as súas familias, agradeceron a campaña tanto a Las Flores d Greta como aos rapaces e rapazas do servizo de Formación, que deseñaron as 15 camisetas e participaron no proceso de creación das pezas.
A campaña de venda desenvolveuse durante o pasado mes de xullo na plataforma de crowdfunding ULULE, obtendo unha recadación total de 671€. As persoas interesadas puideron adquirir, ademais, outras recompensas, como mochilas e bolsos doados por Las Flores de Greta, así como postais cos estampados de ecoprint ou unha cata privada de café co barista Marcos González, campión de España Barista 2019.
A idea central do proxecto estaba baseada en agradecer á sociedade toda a axuda prestada a Down Vigo durante os 30 anos da entidade, decidindo desta forma axudar a outra entidade social. Para iso, Down Vigo levou a cabo unha colaboración coa empresa Las flores de Greta, tres emprendedoras viguesas que se dedican ao deseño de pezas de roupa coa técnica do ecoprint, que consiste en trasladar os pigmentos de follas e flores a tecidos de orixe orgánica.
Entradas relacionadas
