Xunta, FEGAMP e Terceiro Sector asinaron a nova Axenda Social Única de Galicia
O Comité de Entidades Representantes de Persoas con Discapacidade de Galicia (CERMI Galicia), rede á que pertence a Federación Down Galicia, elixiu este luns, na súa asemblea extraordinaria, a Luciano Fernández como novo presidente. Fernández, á súa vez, é presidente de FEGADACE (Federación Galega de Dano Cerebral) e de FEDACE (Federación de Dano Cerebral Estatal).
Así o manifestou a plataforma tras a celebración da súa 10ª Asemblea Extraordinaria de elección, que informou que o seu ata o de agora presidente, Iker Sertucha, deixará de exercer esta función tras catro anos de mandato, aínda que continuará representando á Federación de Persoas Xordas de Galicia (FAXPG) no Comité executivo.
A apertura da asemblea correu a cargo do presidente de CERMI Estatal, Luis Cayo Pérez Bueno, quen deu a benvida ao novo presidente e destacou o magnífico labor polo traballo realizado durante este últimos catro anos a Iker Sertucha. “Sempre contaredes co apoio do CERMI Estatal para loitar polos dereitos das persoas con discapacidade en toda a xeografía española”, manifestou.
Durante esta reunión tamén se aprobou a creación da cuarta vicepresidencia, que será ocupada polo presidente saínte Iker Sertucha. Pola súa banda, a secretaría mantense invariable, ocupada actualmente por Carlos Fernández, presidente do Consello Territorial da ONCE en Galicia. O resto de cargos, informou CERMI Galicia, non sufriu variacións, fóra dos cambios nos representantes de Autismo Galicia e Fagal efectuados e comunicados no último mes.
Respecto ás novas incorporacións de Predif Galicia e Cegasal no pasado mes de xullo, CERMI Galicia quedou integrado por doce entidades, catro fundadoras, tres ordinarias e cinco adheridas, todas elas con representación nas asembleas.
Entradas relacionadas
