Down España publica a nova guía afectivo-sexual das persoas coa síndrome de Down
O pasado 10 de decembro tivo lugar a presentación da app Salud Down de Down España, unha aplicación móbil na que as persoas usuarias atoparán consellos e información moi práctica sobre a saúde das persoas coa síndrome de Down, así como calendarios coas súas citas médicas, recomendacións de profesionais e moitas outras utilidades. Durante a presentación, o presidente de Down España, Mateo San Segundo, o Director General de Políticas de Discapacidad, Jesús Celada, o noso experto asesor médico, o doutor José María Borrel, e a técnica de programas de Saúde da Federación, Coral Manso, explicaron en que consiste Salud Down e por que se presenta como unha das aplicacións máis útiles para o colectivo de persoas coa síndrome de Down e as súas familias.
“O obxectivo principal desta aplicación é favorecer o acceso a recursos e a información relacionada coa saúde das persoas coa síndrome de Down e fomentar así o seu coidado”, sinalou Coral Manso.
Segundo explicou San Segundo, “en Down España estamos seguros de que esta vai ser unha moi boa ferramenta para as persoas coa síndrome de Down e para as súas familias. Esperamos poder contribuír a mellorar a autonomía das persoas do noso colectivo con respecto á súa saúde”. “Todos os avances en saúde permitiron que agora as persoas do colectivo vivan máis anos, leven unha vida moito máis normalizada e que se poidan levar a cabo moitos proxectos de vida. Esta aplicación é outro deses avances”.
Pola súa banda, Jesús Celada quixo contextualizar o lanzamento desta aplicación móbil tendo en conta que se empezou a deseñar ao comezo da pandemia provocada pola COVID-19. “Este período saltou alertas e deixou en evidencia numerosos aspectos en relación ás saúde das persoas con discapacidade”. Por iso, segundo explicou o Director General de Políticas de Discapacidad, esta ferramenta axudará ás persoas do colectivo no ámbito da saúde: “convido a que as persoas coa síndrome de Down e as súas familias se descarguen esta aplicación, non podemos deixar a ninguén atrás”.
Por último, o membro do Comité Médico Asesor de Down España, e parte do equipo Saúde Down, José María Borrel, indicou o seu desexo de que “esta poida ser a ferramenta útil que lle faltaba ao colectivo de persoas coa síndrome de Down, as súas familias e os profesionais que lles atenden”. “É un app pioneira, viva e suxeita a todos os cambios e actualizacións que sexan necesarios. É só o comezo, pero esperamos poder ir dando resposta ás consultas de familias e do persoal sanitario e sociosanitario”, explicou.
Despois destas intervencións, Coral Manso, como membro do grupo de traballo que deseñou e xestionou a aplicación, explicou todas e cada unha das funcionalidades desta ferramenta, así como o proceso de rexistro e descarga para poder utilizala. Algunhas das áreas ou apartados de Salud Down son: Información actualizada e noticias relacionadas coa saúde das persoas con síndrome de Down, unha guía saúde, un mapa de España onde se indica onde traballan os mellores especialistas médicos nesta trisomía co seu contacto, información sobre exploración da saúde e control de saúde por idades e con diferentes partes do corpo, información sobre a síndrome de Down en xeral, calendario-axenda con citas médicas ou revisións, notificacións, etc.
Esta aplicación, creada en colaboración co Ministerio de Sanidad, Consumo y Bienestar Social e con Alma Tecnológica, pode ser utilizada en todo o mundo, aínda que os profesionais que se indican traballan en España.
Para descargar Salud Down en dispositivos iOS, pincha nesta ligazón.
Para descargala en dispositivos Android, pincha aquí.
Entradas relacionadas
