“Ter síndrome de Down non me impediu conseguir as miñas metas”
A Asociación Down Coruña pon á venda o Calendario Solidario 2021 para achegar e sensibilizar á sociedade sobre a realidade das persoas con síndrome de Down. O obxectivo é difundir os conceptos e valores de diversidade e inclusión que defende a entidade, membro da Federación Down Galicia. Os fondos recadados destínanse integramente a financiar as actividades diarias da asociación.
Nada menos que 600 exemplares xa están á venda na cidade herculina. Os protagonistas do almanaque son as persoas coa síndrome de Down e outras discapacidades intelectuais membros de Down Coruña. Cada calendario solidario está á venda por 10 euros nos dous centros O Corte Inglés e en Fnac, nas seccións de papelería.
A produción e distribución desta primeira edición foi posible grazas á colaboración de diferentes empresas da cidade: El Corte Inglés, Gadis, Vegalsa-Eroski, Bayfa, Copasa, Cyma Informática, Fnac, Blanco San S.L, Autopullmans Travidi e Isla Coruña. A través deste acto de Responsabilidade Social, quérese contribuír a desenvolver unha sociedade solidaria, diversa, cunha total inclusión social e laboral.
Foto: Marcos Míguez (La Voz de Galicia)
Entradas relacionadas
