Down Vigo participa no Campus Oportunidades para a Inclusión 2021 de Down España
Desde hai xa varios anos, son moitas as empresas da cidade de Pontevedra e da súa comarca que confían no programa de Emprego con Apoio de Down Pontevedra “Xuntos”. Un claro exemplo é Distribuciones Froiz, que desde os inicios do programa no ano 2002 contrata ano tras ano a dúas persoas da bolsa de emprego da entidade para a campaña de Nadal.
Durante o último mes, Carlos Pais e Diego Touriño, traballaron como mozos de almacén na empresa pontevedresa elaborando caixas e cestas de Nadal. Ambos estiveron contratados a xornada parcial e desenvolveron as súas tarefas de luns a venres en horario de mañá.
Balance anual do programa de emprego de Xuntos
Desde hai xa algúns anos, a bolsa de emprego de Down Pontevedra “Xuntos” está sendo sinónimo de eficacia e é que o 80% das persoas que forman parte do Programa de Emprego con Apoio da entidade estiveron activas nalgún momento do ano.
A pesares da situación actual derivada da COVID-19 , 17 das 21 persoas usuarias do programa de Emprego con Apoio contaron cun contrato de traballo ao longo do ano 2020. Ademais, asináronse 2 prórrogas de contrato e unha conversión a indefinido.
Pero as inquedanzas das persoas integrantes da bolsa de emprego de Xuntos non quedan satisfeitas coa sinatura dun contrato. É por iso que 19 delas están a preparar oposicións na entidade, algunhas de xeito simultáneo ao desempeño dos seus traballos.
Por outra banda, é especialmente importante nestes momentos poñer en valor o número de empresas colaboradoras neste 2020, chegando nesta ocasión a 18 colaboracións.
Entradas relacionadas
