A Xunta subvenciona a contratación de 10 persoas para postos técnicos da Federación durante o último período
Representantes da Fundación Solidaridad Carrefour visitaron esta mañá as instalacións de Down Galicia en Santiago de Compostela para facer entrega de dez tabletas, valoradas en 1.790 euros, para colaborar co desenvolvemento das actividades que levan a cabo actualmente a Federación e as súas entidades.
A doazón destes dispositivos tecnolóxicos mellorará o equipamento tecnolóxico das aulas interactivas das entidades de Down Galicia, claves no desenvolvemento educativo e cognitivo das persoas coa síndrome de Down e outras discapacidades intelectuais, aumentando deste xeito as súas competencias dixitais.
Estas tabletas servirán tamén para mellorar o desenvolvemento das sesións impartidas a distancia a raíz da crise sanitaria derivada da COVID-19, permitindo, ademais, a conectividade daquelas familias e persoas usuarias máis vulnerables.
Fundación Solidaridad Carrefour coordina todos os programas que desenvolve Carrefour en material de acción social en España. Apoia especialmente proxectos en beneficio da infancia con discapacidade ou en exclusión social. Axuda ás persoas en situación de vulnerabilidade e intervén en operacións de emerxencia en España. Igualmente, promove a integración laboral de persoas con discapacidade ou en risco de exclusión e fomenta a participación dos empregados e empregadas do Grupo nas diferentes iniciativas.
Entradas relacionadas
