Down Coruña colabora coa iniciativa “Hábitat sen lixo” e realiza unha limpeza na praia do Orzán
A pasada semana, o presidente da Asociación Down Coruña, Ricardo Santos, e o coordinador do Instituto Oftalmolóxico Quirónsalud A Coruña, Emanuel Barberá, chegaron a un acordo para realizar revisións sen custo co obxectivo de detectar problemas oculares nos membros da entidade.
Así, desde o día 22 ao 26 de marzo, realizouse unha revisión de forma gratuíta a todos aqueles membros da asociación que o solicitaron.
As alteracións visuais e oculares son diversas e de gran importancia nas persoas coa síndrome de Down, sendo un dos grupos de grupo de maior risco da poboación pediátrica. Por iso é fundamental un diagnóstico e tratamento temperá, así como establecer accións preventivas co fin de facilitar os procesos de atención e aprendizaxe, e fomentar un mellor desenvolvemento e capacitación para o seu desempeño e vida futura.
O Deportivo Liceo Coruña tamén colabora coa entidade
Dentro da iniciativa “Un partido, unha causa”, Down Coruña foi unha das asociacións escollidas para dar a coñecer o seu labor durante un partido do Club Deportivo Liceo Coruña.
Nesta ocasión os representantes da entidade foron J. Antonio e Pablo, quen tamén gozaron do partido animando ao equipo local.
A través deste proxecto, que busca unir o deporte, máis concretamente o hóckey sobre patíns, e a axuda social, ofrécese ás entidades da cidade a oportunidade de difundir os seus valores e o traballo que levan a cabo durante un partido do club, concienciando á maior cantidade de persoas posible e tratando de recadar diñeiro para repartilo de maneira equitativa entre elas.
Entradas relacionadas
