Fundación Ibercaja colabora co programa Emprego Con Apoio para a inserción laboral das personas coa síndrome de Down
David é unha das 78 persoas que forma parte do Servizo de Emprego con Apoio de Down Vigo.
O pasado 16 de marzo foi unha data importante para el, xa que foi o día no que deu comezo un contrato de traballo que, desde hai tempo, desexaba.
Despois dun período sen oportunidades laborais, derivado da situación de crise sanitaria na que o mundo leva inmerso máis dun ano, a empresa Isanimar Seguridad deulle a posibilidade de demostrar a súa valía como traballador nas súas instalacións.
Tras dúas semanas realizando prácticas como operario de almacén nesta empresa, especializada na fabricación de sistemas de seguridade laboral, David puido demostrar a súa capacidade e o seu esforzo, que se viu recompensado coa firma dun contrato laboral.
Parabéns, David! E grazas a Isanimar por darlle ás persoas con discapacidade intelectual a oportunidade de demostrar que a inclusión na empresa ordinaria é posible.
Entradas relacionadas
