Vegalsa-Eroski mantén a súa aposta polo Programa de Emprego con Apoio de Down Pontevedra Xuntos
A Xunta de Galicia, a través da Consellería de Emprego e Igualdade, vén de conceder unha axuda de 15.232 euros a Down Pontevedra Xuntos para o desenvolvemento de programas de inclusión de mulleres en situación de especial vulnerabilidade.
O delegado territorial, Luis López, informou desta concesión nunha visita realizada este mediodía á sede social da entidade pontevedresa xunto ao seu presidente, Manuel Pérez Cabo.
Grazas a esta achega, Xuntos desenvolverá un programa de empoderamento de mulleres entre o colectivo de persoas con discapacidade intelectual que contará cun mínimo de trinta participantes e 1.290 horas de formación.
Luis López valorou a concesión desta axuda “para seguir apoiando a unha entidade que está a piques de cumprir trinta anos consecutivos de traballo a prol da inclusión do colectivo de xente con síndrome de Down coa total implicación de nais, pais e familiares” e lembrou que a Xunta de Galicia colabora periodicamente coa entidade a través de financiamento para os seus programas de voluntariado e de inclusión social e tamén para o seu funcionamento coa distribución de fondos a través da Federación Down Galicia.
Ademais do delegado territorial, na visita tamén participaron Marta Mariño, xefa territorial da área de muller; Marcos Rey, concelleiro de Benestar Social do Concello de Pontevedra; e Silvia Junco, responsable da área de Benestar Social do Partido Popular de Pontevedra.
Entradas relacionadas
