Un estudo lanza importantes conclusións sobre as consecuencias psicosociais da pandemia entre os mozos e mozas coa síndrome de Down
A pasada semana deu comezo en España a campaña ‘EmpreXas que marcan para marcar o cambio’, dirixida a informar e sensibilizar ás compañías de todo o país para que marquen o cadro de “Empresa solidaria”, co que poderán destinar, por terceiro ano consecutivo, o 0,7% do recadado co Imposto de Sociedades a proxectos sociais.
Desta forma, as empresas de Galicia que o desexen poderán ser parte e contribuír cos proxectos que as entidades de acción social galegas están a levar a cabo.
Esta medida permite ás empresas participar na consecución dunha sociedade máis xusta, igualitaria e inclusiva marcando o cadro 00073 (modelo 200) ou o 069 (modelo 220) do seu Imposto de Sociedades.
EmerXencia SOLIDARIA
A emerxencia sanitaria está a facer máis vulnerables ás persoas que xa o eran antes da pandemia. Por iso, as ONG galegas levan a cabo para estes colectivos programas e servizos que precisan do financiamento que chega a través do IRPF e do Imposto de Sociedades. Unha aportación que ás persoas e empresas contribuíntes non lles supón ningún custo e que resulta imprescindible para moitas persoas en situación de exclusión social ou pobreza.
Como xa puxeron de manifesto as representantes das tres plataformas de organizacións de acción social galegas (EAPN, CERMI e Plataforma de Infancia) na presentación da campaña do X Solidario do IRPF, “as profesionais e voluntarias de moitas ONG prestan un servizo esencial na loita contra a COVID-19 e seguirán a facelo cando remate a pandemia, apoiando ás persoas máis vulnerables e defendendo os seus dereitos”.
Máis fondos en Galicia grazas a persoas e empresas
No 2020, a achega conxunta do 0,7% do Imposto sobre a Renda das Persoas Físicas e do Imposto sobre Sociedades ascendeu en toda España a 331,7 millóns de euros, un 7% máis que en 2019.
De este importe a Galicia correspóndenlle 20.713.082€, a segunda comunidade autónoma onde máis crecen, tras Asturias, recoñecendo así o crecente apoio da cidadanía galega. É por iso que as entidades do Terceiro Sector pedimos que as empresas galegas se sumen ás 735.705 persoas que presentaron a Declaración da Renda en 2020 e que marcaron o recadro de “Actividades de interese social”.
A Confederación Española de Organizacións Empresariais (CEOE), a Confederación Española da Pequena e Mediana Empresa (CEPYME), a Federación Nacional de Asociacións de Empresarios e Traballadores Autónomos (ATA), a Confederación Española de Asociacións de Mozos e Mozas Empresarios (CEAJE) e a Confederación Empresarial Española de la Economía Social (CEPES) xa se teñen comprometido a divulgar entre as súas empresas esta medida, totalmente voluntaria e que non supón ningún custo adicional.
Coa marcación voluntaria do cadro de “Empresa solidaria”, as compañías estarán a poñer en práctica a súa Responsabilidade Social Corporativa (RSC) e contribuíndo á execución dos Obxectivos de Desenvolvemento Sostible (ODS) e a Axenda 2030 coa procura de alianzas e novos escenarios de colaboración co Terceiro Sector.
Máis información: www.casillaempresasolidaria.es
Entradas relacionadas
