Desde comezos deste mes de agosto, e ata o xoves 30 de setembro, está aberta a convocatoria de axudas do Ministerio de Educación para alumnos e alumnas con necesidades específicas de apoio educativo.

Poderán solicitar estas axudas ou subsidios os alumnos e alumnas con estas necesidades de apoio que non superen unha determinada renda e/ou patrimonio familiar, ou ben pertenzan a familias numerosas, e que se atopen cursando algún dos niveis educativos non universitarios: Educación Infantil, Educación Primaria, Educación Secundaria Obrigatoria, Bacharelato, Formación Profesional de grao básico, medio e superior, ensinanzas artísticas profesionais, programas de formación para a transición á vida adulta e outros programas formativos de formación profesional aos que se refire a disposición adicional cuarta do Real Decreto 127/2014, de 28 de febreiro.

As solicitudes deberán cumprimentarse a través da sede electrónica do Ministerio de Educación e Formación Profesional.

Consulta toda a información (tipos de axuda, requisitos, forma de presentación, contías, etc.) na seguinte ligazón: https://www.becaseducacion.gob.es/becas-y-ayudas/ayudas-apoyo-educativo/tipos-de-becas.html

Tamén podes consultar a publicación destas axudas no Boletín Oficial do Estado.