Down Coruña asina un acordo con Nordés Club Empresarial
Down Coruña participou o pasado venres 1 de outubro no acto de fin de tempada da iniciativa solidaria “Un partido, unha causa”, un proxecto posto en marcha por Dava Torres, capitán do Hóckey Club Liceo, e Sergio Tomé, comunicador e speaker dos partidos locais do conxunto liceísta. Xuntos desenvolveron esta idea, coa que buscan a colaboración da sociedade coruñesa con distintas entidades sociais da cidade, entre as que esta tempada 2020-2021 atopábase Down Coruña.
A idea “Un partido, unha causa” céntrase en tres aspectos fundamentais: difusión, concienciación e recadación. Así, desde a súa posición de visibilidade, sobre todo nos partidos nos que o Hóckey Club Liceo actuaba como local, Torres e Tomé difundiron cada unha das causas ás que se sumaron, concienciando ao público asistente a eses eventos deportivos sobre a materia que abordaba cada colectivo e recadando diñeiro para trasladar o apoio económico da sociedade á entidade protagonista de cada xornada.
Precisamente, o acto de fin de tempada, que acolleu a Fnac da Coruña, tivo como fin a entrega dos cheques simbólicos ás diferentes causas. En representación de Down Coruña asistiu o director executivo da asociación, Manuel Rego.
Ademais de Down Coruña, nesta ocasión tamén participaron na iniciativa as seguintes entidades: We sustainability, Afaco, Perrunas adopcións, Cruz Vermella A Coruña, Aspanaes, Movemento Nambuma Malawi, EntreCulturas A Coruña, A Cociña Económica A Coruña e Lar a Mercé.
Entradas relacionadas
