Down Coruña asina un acordo con Nordés Club Empresarial
O pasado sábado 23 de outubro tivo lugar na cidade da Coruña a Carreira solidaria ENKI, na que participaron, un ano máis, membros e amizades da asociación Down Coruña.
Trala edición virtual de 2020, esta proba lúdica recuperaba este ano o seu carácter presencial e, para celebralo, máis de 140 persoas vencelladas á entidade participaron na popular carreira de obstáculos.
Nesta ocasión, o grupo decidiu disfrazarse de indios e vaqueiros, pero amosando unha perspectiva de unión en favor da inclusión. “Pretendemos unificar posturas e crear un só bando que camiñe unido ante unha causa común: o respecto á diversidade”, sinalan desde Down Coruña.
As persoas participantes na carreira puideron desfrutar dun circuíto de 2,46 quilómetros e 17 obstáculos diferentes, con inicio na zona da Mariña e meta na praza de María Pita, na que estiveron presentes varias entidades sociais no chamado “Espazo da Solidariedade”.
No seu punto de inicio tiveron lugar oito saídas, unha cada media hora en grupos de 500 persoas (desde as 16.00 ás 19.30 horas) ata completar a participación dos 4.000 dorsais presenciais adquiridos e que alcanzaron unha suma de 32.975 euros. Esta cantidade será destinada ao desenvolvemento de actividades de ocio e deporte inclusivo de distintas entidades sociais.
A carreira ENKI é unha cita única en Galicia, que nace no ano 2014 como unha proba lúdica, non competitiva, apta para todas as idades e condicións que, a través do xogo, promove a inclusión e a visualización de colectivos e persoas con diversidade funcional, así como o respecto e a educación na diversidade.
Entradas relacionadas
