AFACO contrata a unha moza de Down Coruña como axudante de cociña
A asociación Down Coruña acaba de presentar o seu novo calendario solidario para o ano 2022, cuxas imaxes están protagonizadas por persoas coa síndrome de Down. Nesta ocasión, o almanaque ten un enfoque ambiental, vinculado aos obxectivos de desenvolvemento sostibles da axenda 2030.
Este calendario solidario forma parte do proxecto Ecofriendly21 da asociación. Inclúense ‘eco-tips’ para colaborar co desenvolvemento sostible e cada mes lémbrase un ‘Día de…’ relacionado co medio ambiente, como o ‘Día dos humidais’ en febreiro ou o ‘Día da Conservación do chan’ en xullo.
Este é o terceiro ano no que a asociación Down Coruña elabora o seu almanaque solidario. Esta acción exponse como unha proposta de sensibilización e achegamento á sociedade das persoas coa síndrome de Down, co obxectivo de que se comprendan os conceptos que se defenden desde a asociación, que non son outros que a diversidade e a inclusión.
Imprimiranse uns 800 exemplares destes calendarios, que se poderán adquirir en puntos de venda como El Corte Inglés (Ramón y Cajal e Marineda City) e na FNAC, como en anos anteriores. Ademais algunhas empresas da cidade sumáronse a esta iniciativa adquirindo exemplares para distribuír entre o seu equipo de traballo, clientes ou provedores.
Entradas relacionadas
