Down Galicia recibe a primeira doazón da edición de Nadal do programa ‘Atrápame se podes’
A Consellería de Emprego e Igualdade, a través da Dirección Xeral de Emprego, Traballo Autónomo e Economía Social, financia con 165.663€ a contratación de 9 persoas desempregadas entre decembro de 2021 e decembro de 2022 para cubrir distintos postos de carácter técnico en varios dos centros de traballo da Federación Down Galicia.
Mediante estas contratacións, todas a xornada parcial durante un ano, darase cobertura a diferentes áreas e programas que conforman o Servizo de Promoción da Autonomía Persoal para persoas coa síndrome de Down e discapacidade intelectual (SEPAP). Nesta ocasión, o persoal contratado desempeñará o seu labor nas áreas de administración e xestión, emprego con apoio, inclusión educativa, vida autónoma e independente, ocio ou formación para o emprego, entre outras.
O servizo de Promoción da Autonomía Persoal de Down Galicia céntrase en proporcionar ás persoas coa síndrome de Down e outras discapacidades intelectuais os recursos adecuados que permitan a súa participación na comunidade da forma máis autónoma e independente posible, mediante o fortalecemento dos seus propios recursos e o adestramento da súa autonomía persoal.
Entradas relacionadas
