As entidades do CERMI Galicia conmemoran o Día Internacional das Persoas con Discapacidade
© Xunta de Galicia
O pasado 27 de decembro asinouse en Santiago de Compostela a Axenda Social Única de Galicia. O Movemento Down Galicia estivo representado pola EAPN Galicia, da que recollemos a información que resume o acto e os contidos do documento:
Dende a Rede Europea contra a Pobreza (EAPN-Galicia) valoramos positivamente a posta en marcha inmediata da Axenda Social Única de Galicia 2021-2024, asinada hoxe conxuntamente pola Xunta de Galicia, FEGAMP, EAPN Galicia, Cruz Vermella Galicia, Cáritas Diocesana Galicia e ONCE Galicia.
Descarga aquí a Axenda Social Única de Galicia 2021-2024
A nova Axenda Social Única preséntase tras case dous anos de intenso traballo, diálogo e incidencia política e recolle medidas que dende EAPN se consideran imprescindibles. Avanza tamén no cumprimento do mandato do Parlamento de Galicia cando de xeito unánime no Día Internacional para a Erradicación da Pobreza do 2020 afirmou que “Sabemos que esta lexislatura comeza cunha emerxencia sanitaria e social que empobrecerá a milleiros de galegas e galegos se non hai un compromiso político e orzamentario da Xunta de Galicia e dos concellos e deputacións”.
A Axenda xurde tamén ante a evidencia do aumento da pobreza e a exclusión social en Galicia, motivada pola pandemia e a falla de acceso a unha vivenda digna, axeitada e accesible. A poboación galega máis vulnerable xa se atopaba nunha situación de fraxilidade en termos económicos antes da pandemia, en especial mulleres, mozas mozos, nenos e nenas. 253.000 persoas, o 9,4% da poboación, vivía no 2020 na pobreza severa.
4 “C” contra a pobreza e a exclusión social
Fronte a esta emerxencia, a nova Axenda cremos que avanza no cumprimento dos catro principios que demandabamos xa na anterior Axenda no 2016 para poder reducir cunha mínima esperanza as taxas de pobreza e exclusión no conxunto do estado e en Galicia. As chamadas 4 “C”:
- Loita contra as Causas da pobreza e a exclusión social, lonxe de calquera asistencialismo no que non se respecte a dignidade das persoas ou da burocratización extrema que as culpabiliza.
- Compromiso político (orzamentos e planificación a medio e longo prazo).
- Coordinación entre administracións e dentro de cada unha delas.
- Dialogo Civil no que se recoñece ás organizacións do terceiro sector de acción social como actores imprescindibles do sistema de servizos sociais.
Enfoque de dereitos
Na Axenda recóllense medidas e compromisos propostos e argumentados grazas ao traballo en rede das 130 entidades membro de EAPN Galicia. Algunhas pioneiras no conxunto do estado, como a educación universal e de balde para nenos e nenas de 0 a 3 anos, a Tarxeta Básica ou o programa Posta a Punto para o Emprego para a inserción sociolaboral.
Aparecen tamén medidas concretas que se formularon na protección de familias monoparentais, atención temperá, saúde mental, soidade non desexada, Plan Renove de electrodomésticos ou no reforzo dos Servizos sociais comunitarios.
Tamén na loita contra a fenda dixital, a exclusión bancaria e financeira ou a violencia de xénero. O programa de acompañamento ás mulleres en situación de senfogarismo, ata agora invisibilizadas, é un exemplo.
No eido da inclusión residencial cremos destacable o compromiso das primeiras 100 vivendas novas para a atención de persoas sen fogar. E cómpre salientar a inclusión na medida 4.2 do compromiso dun plan piloto para afrontar por fin a urxente erradicación do chabolismo e a infravivenda en Galicia.
Na loita contra a burocratización, o asistencialismo e a aporofobia tamén se recollen propostas, ademais de en medidas xa citadas como a Tarxeta Básica, noutras como a urxente modificación da Lei de Inclusión Social para adaptar RISGA e AIS ao Ingreso Mínimo Vital, o desenvolvemento do modelo Inclúe para a inclusión de persoas en exclusión social severa, a simplificación drástica do acceso á dependencia e discapacidade, ou a avaliación da rede de servizos sociais comunitarios.
Na Axenda e neste acto faise tamén un recoñecemento explícito ás entidades do Terceiro Sector Social como actor imprescindible do sistema de servizos sociais galego. Dende o impulso á Lei do Terceiro Sector de Galicia ata medidas que avanzan na necesidade da súa protección e financiamento estable asociado á consecución de resultados e non á burocratización extrema.
Entradas relacionadas
