Debido á terrible situación provocada pola invasión rusa de Ucraína, que está a ter uns efectos devastadores para o país e para a poboación civil, desde Down España en coordinación con EDSA-European Down Syndrome Association, piden AXUDA económica URXENTE para prover de produtos de primeira necesidade aos nenos, nenas e familias da asociación ucraína de síndrome de Down (Ukrainian Down Syndrome Organization UDSO-), con sede en Kiev.

Como realizar unha doazón?

Para poder axudar ás familias ucraínas con fillos ou fillas coa síndrome de Down, Down España enviará todas as doazóns recibidas na entidade desde o, xoves 3 de marzo, ata o martes 15 de marzo.

As doazóns poderán realizarse a través da páxina Web de Down España: https://www.sindromedown.net/socios-y-donaciones/ ou a través de BIZUM, co código de doazón: 04026

Down España comprométese a asegurar que todas as achegas recadadas cheguen ás familias de nenos e nenas coa síndrome de Down ucraínas que o necesitan a través da Ukrainian Down Syndrome Organization (UDSO).

Grazas de todo corazón a todas e todos aqueles que axudedes a paliar a situación tan terrible que están a vivir centos de familias en Ucraína.