29 Xullo, 2022

» Down Lugo espreme o verán con dúas excursións á costa atlántica

 

Por fin, despois de tanto tempo sen poder facelo, as persoas usuarias de Down Lugo volveron gozar das excursións de varios días. Este ano, divididos en dous grupos, visitaron os municipios de Portosín e Valdoviño.

Do 28 ao 30 de xuño uno dos grupos puido coñecer a localidade de Portosín. Alí aloxáronse nos bungalós do Cámping Punta Batuda e percorreron a zona, gozaron das súas praias e tamén se puideron achegar ata a veciña Ribeira.

Do 8 ao 10 de xullo, o outro grupo de mozos desprazouse ata a zona de Ferrolterra, hospedándose na casa Surf&Breakfast do Cámping Valdoviño. Alí puideron gozar da praia da Frouxeira, coñecer o pobo e aproveitar un dos días para visitar a cidade de Ferrol.

Tras gozar destas estupendas saídas de lecer, todos volveron a casa con máis experiencias dentro das súas mochilas e xa esperan con ganas a que chegue a seguinte excursión.