Ata o vindeiro xoves 30 de setembro estará aberta a convocatoria de axudas do Ministerio de Educación para alumnos e alumnas con necesidades específicas de apoio educativo.

Poderán solicitar estas axudas os alumnos e alumnas que non superen unha determinada renda e/ou patrimonio familiar e que presenten necesidades específicas de apoio educativo derivada da discapacidade ou trastornos graves de conduta ou trastorno grave da comunicación e da linguaxe asociada a necesidades educativas especiais e que se atopen cursando en centro específico, en unidade de educación especial de centro ordinario ou en centro ordinario que escolarice alumnos que presentan necesidades educativas especiais, algún dos niveis educativos non universitarios.

As solicitudes deberán cumprimentarse mediante o formulario accesible por internet na dirección www.educacionyfp.gob.es ou a través da sede electrónica do Ministerio de Educación e Formación Profesional na dirección https://sede.educacion.gob.es.

Consulta toda a información (tipos de axuda, requisitos, forma de presentación, contías, etc.) na seguinte ligazón: https://www.becaseducacion.gob.es/becas-y-ayudas/ayudas-apoyo-educativo/tipos-de-becas.html

Tamén podes consultar a publicación destas axudas no Boletín Oficial do Estado: https://www.boe.es/boe/dias/2022/05/18/pdfs/BOE-B-2022-15578.pdf