O Consello de Ministros anunciou a pasada semana que o Goberno facilitará o acceso á xubilación anticipada para as persoas con discapacidade superior ao 45%. Por unha banda, redúcense os anos de cotización esixidos de 15 a 5 anos desde o diagnóstico da discapacidade superior ao 45% para acceder á xubilación anticipada, sendo necesario traballar un tempo efectivo equivalente ao período mínimo de cotización.

Ademais, a nova norma simplifica tanto a acreditación da discapacidade, como a súa actualización. En concreto, a acreditación da discapacidade poderase realizar, ademais de mediante certificación do IMSERSO ou das comunidades autónomas, mediante un informe médico que acredite que padeceu algunha das patoloxías contempladas e a data de inicio ou manifestación das mesmas.

Doutra banda, ponse en marcha un novo procedemento, máis áxil e sinxelo, para actualizar a listaxe de patoloxías, de forma que pasarán a estar no anexo da norma e poderase modificar mediante Orde Ministerial do Ministerio de Inclusión.

A aprobación deste Real Decreto xorde como resultado dos acordos de todos os grupos parlamentarios no Pacto de Toledo, e responden á Recomendación 18 do mesmo.

Consulta pulsando aquí a nova normativa (BOE do 17 de maio de 2023).