FORMACIÓN E PREPARACIÓN DE OPOSICIÓNS AUTONÓMICAS E ESTATAIS 17-18

Nome do proxecto: Formación e preparación de oposicións autonómicas e estatais para persoas coa síndrome de Down e/ou discapacidade intelectual

Contía da achega: 59.982,78€

Breve descrición do proxecto: A partir da valoración individual de cada persoa coa síndrome de Down e/ou discapacidade intelectual participante, tratarase de deseñar un itinerario personalizado a través do cal se asignarán as accións formativas e recursos de apoio necesarios para afrontar unha oposición coas maiores garantías de éxito posible.

En total, beneficiaranse do proxecto un total de 48 participantes pertencentes a diferentes áreas da xeografía galega (fundamentalmente das áreas de A Coruña, Lugo, Ourense, Pontevedra e Vigo), dos cales máis da metade serán mulleres e practicamente o 50% serán participantes novos no proxecto.

Obxectivo xeral do proxecto: Garantir a adquisición e mellora das competencias necesarias para presentarse a un proceso de oposición autonómica e/ou estatal que mellore as súas posibilidades de adaptación persoal ó proceso selectivo, así coma de superalo con éxito.