<\/p>\n
Un total de 172 persoas participantes no programa de Emprego con Apoio da Federaci\u00f3n Down Galicia estiveron contratadas en empresas ordinarias da s\u00faa contorna durante o ano 2021<\/strong>. Este dato \u00e9 case id\u00e9ntico ao obtido no mesmo per\u00edodo do ano anterior, onde se constatou unha baixada significativa no n\u00famero de contrataci\u00f3ns con respecto a anos anteriores, sendo evidente a continuaci\u00f3n dos efectos negativos da COVID-19 no proceso de inserci\u00f3n laboral das persoas coa s\u00edndrome de Down e outras discapacidades intelectuais.<\/p>\n Por outra banda, a porcentaxe de persoas usuarias da bolsa de emprego de Down Galicia que tiveron acceso a un posto de traballo neste per\u00edodo descendeu ata quedar no 67,7%. Ademais da relaci\u00f3n entre este descenso e o n\u00famero de contrataci\u00f3ns, esta baixa porcentaxe tam\u00e9n ten a s\u00faa orixe no elevado n\u00famero de participantes no programa, que nesta ocasi\u00f3n ascendeu \u00e1s 254 persoas usuarias, deixando constancia da importancia que as persoas coa s\u00edndrome de Down e outras discapacidades intelectuais lle outorgan a ter un emprego.<\/p>\n En canto \u00e1 distribuci\u00f3n por localidades<\/strong>, obs\u00e9rvase que foron 64 persoas as que traballaron en 2021 na zona de Vigo, 31 na Coru\u00f1a, 18 en Lugo, 16 en Pontevedra, 16 en Ourense, 16 na \u00e1rea de Compostela e 11 na zona de Ferrolterra.<\/p>\n Estas 172 persoas asinaron un total de 188 contratos de traballo<\/strong>, mediante os que os traballadores e traballadoras puideron adquirir<\/strong> experiencia en postos <\/strong>tan variados como masaxista, dependente, auxiliar de reposter\u00eda, auxiliar administrativo, pe\u00f3n forestal, atenci\u00f3n ao cliente, pe\u00f3n electricista, telefonista, ordenanza, limpeza de praias, operario de produci\u00f3n, azafata ou mantemento de instalaci\u00f3ns deportivas, entre moitos outros.<\/p>\n Despuntan neste per\u00edodo o n\u00famero de pr\u00f3rrogas dos contratos<\/strong> e as transformaci\u00f3ns dos mesmos en indefinidos<\/strong>, que chegan a 21 e a 7 respectivamente. Estes datos po\u00f1en claramente de manifesto a eficacia das persoas con discapacidade intelectual nos seus postos de traballo, demostrando que te\u00f1en capacidades m\u00e1is que suficientes para superar o reto que lles prop\u00f3n a sociedade en canto ao traballo inclusivo.<\/p>\n Destaca tam\u00e9n o elevado n\u00famero de pr\u00e1cticas formativas<\/strong> realizadas polos usuarios e usuarias das entidades Down en Galicia (49), coas que reforzan a s\u00faa motivaci\u00f3n cara o emprego e melloran as s\u00faas habilidades socio-laborais. Sumando contratos e pr\u00e1cticas, case o 75% das persoas usuarias do programa de emprego de Down Galicia contaron con unha oportunidade no eido laboral o pasado ano.<\/p>\n Non obstante, os principais escollos <\/strong>para o colectivo de persoas con discapacidade intelectual seguen a ser a inestabilidade, a temporalidade nas contrataci\u00f3ns e a curta duraci\u00f3n das s\u00faas xornadas de traballo<\/strong>.<\/p>\n Ademais, debido \u00e1 situaci\u00f3n de crise sanitaria e social que estamos a vivir desde marzo de 2020, 35 persoas<\/strong> coa s\u00edndrome de Down e outras discapacidades intelectuais usuarias das entidades Down de Galicia estiveron durante alg\u00fan momento do ano en situaci\u00f3n de ERTE<\/strong>, quedando a\u00ednda algunhas delas sen reincorporarse aos seus postos de traballo.<\/p>\n Sen embargo, a\u00ednda que desde hai uns anos podemos observar como se acadan bos datos na inserci\u00f3n do colectivo, o acceso a un posto de traballo de forma normalizada segue a ser un dos grandes retos<\/strong> das entidades que traballan a prol da inclusi\u00f3n laboral na empresa ordinaria.<\/p>\n \u00a0<\/strong><\/p>\n Acceso ao Emprego P\u00fablico<\/strong><\/p>\n \u00c9 importante destacar que o acceso das persoas con discapacidade intelectual ao emprego ordinario non \u00e9 unicamente unha cuesti\u00f3n relacionada coa empresa privada. De feito, un dos principais retos aos que se enfrontan hoxe en d\u00eda est\u00e1 relacionado co acceso ao emprego p\u00fablico, onde, a pesar do aumento no n\u00famero de convocatorias espec\u00edficas para o colectivo, estas contin\u00faan sendo a\u00ednda insuficientes<\/strong>.<\/p>\n Por outra banda, debemos ser conscientes de que o abano de persoas con discapacidade intelectual \u00e9 moi amplo<\/strong>. Por tanto, esta realidade ten que ser tida en conta<\/strong> \u00e1 hora de realizar estas convocatorias, que deber\u00edan introducir medidas de discriminaci\u00f3n positivas nos requisitos das mesmas. Deste xeito, garantir\u00edase a igualdade de oportunidades de todas as persoas con discapacidade intelectual no acceso \u00e1s prazas reservadas.<\/p>\n As\u00ed mesmo, tam\u00e9n \u00e9 necesaria unha\u00a0 flexibilizaci\u00f3n nos resto de criterios de acceso a estas prazas<\/strong>, pois, a pesar de que as persoas coa s\u00edndrome de Down son perfectamente capaces de realizar as tarefas encomendadas no posto de traballo e de superar os procesos selectivos, non poden acceder aos mesmos porque priman m\u00e1is os requisitos m\u00ednimos, como pode ser unha titulaci\u00f3n en Educaci\u00f3n Secundaria Obrigatoria, que a traxectoria educativa da persoa.<\/p>\n <\/p>\n Outros retos pendentes<\/strong><\/p>\n Tras varios anos con n\u00fameros moi positivos no relativo a contrataci\u00f3ns e melloras laborais, a crise sanitaria derivada da pandemia da COVID-19 supuxo un estancamento na situaci\u00f3n do colectivo<\/strong>. E \u00e9 que m\u00e1is al\u00f3 dos datos expostos anteriormente, atop\u00e1monos cun grupo de persoas usuarias de idade m\u00e1is avanzada que contaban cun emprego indefinido estable e que agora, tendo en conta o envellecemento prematuro das persoas coa s\u00edndrome de Down, ser\u00e1 complicado que poidan volver incorporarse ao mercado de traballo.<\/p>\n Por outro lado, este envellecemento prematuro, evidenciado xa en distintos estudos, ach\u00e9ganos unha nova realidade: a necesidade de anticipar a idade de xubilaci\u00f3n das persoas coa s\u00edndrome de Down, tendo desta forma o dereito de optar \u00e1 mesma no caso de ser necesario<\/strong>. Do mesmo xeito que en cuesti\u00f3ns de sa\u00fade, as persoas maiores de 40 anos pertencentes ao colectivo deber\u00edan ser consideradas de forma similar ao grupo de poboaci\u00f3n xeral de m\u00e1is de 60 anos de idade e, por tanto, d\u00e9bese dar resposta \u00e1s necesidades relativas a esta etapa post-laboral.<\/p>\n \u00a0<\/strong><\/p>\n 20 anos coa metodolox\u00eda Emprego con Apoio<\/strong><\/p>\n Foi no ano 2002 cando as entidades Down en Galicia comezaron a desenvolver o programa Emprego con Apoio, dese\u00f1ado para atender especificamente as necesidades e barreiras que as persoas coa s\u00edndrome de Down e outras discapacidades intelectuais atopan \u00e1 hora de intentar acceder ao mercado laboral ordinario.<\/p>\n Este modelo bas\u00e9ase nun sistema estruturado de apoios e acompa\u00f1amentos<\/strong> para guiar \u00e1s persoas demandantes de emprego a trav\u00e9s de todo o proceso de inserci\u00f3n socio-laboral e asegurar a s\u00faa correcta incorporaci\u00f3n ao posto de traballo. Deste xeito, as persoas que se incorporan a un novo emprego contan co apoio dun preparador ou preparadora laboral<\/strong> que se encarga de levar a cabo unha formaci\u00f3n espec\u00edfica no propio posto de traballo, para que a persoa empregada poida ir adquirindo progresivamente unha adecuada execuci\u00f3n das tarefas. O apoio tam\u00e9n se centra na potenciaci\u00f3n da interacci\u00f3n social cos compa\u00f1eiros e compa\u00f1eiras de traballo e na mediaci\u00f3n na relaci\u00f3n con eles para que se desenvolva de maneira positiva e natural.<\/p>\n Tr\u00e1tase, en definitiva, de prestar \u00e1s persoas con discapacidade intelectual os medios, os recursos e os apoios necesarios que faciliten a s\u00faa participaci\u00f3n no mercado laboral da s\u00faa comunidade da mesma maneira que o resto de cidad\u00e1ns e cidad\u00e1s, favorecendo, deste xeito, a s\u00faa incorporaci\u00f3n ou a s\u00faa estabilidade laboral e, de forma m\u00e1is extensa, a s\u00faa inclusi\u00f3n social.<\/p>\n Avalada polos seus bos resultados, esta metodolox\u00eda estase a consolidar como unha estupenda f\u00f3rmula de inserci\u00f3n laboral para aqueles colectivos con m\u00e1is dificultades \u00e1 hora de atopar un traballo e sup\u00f3n unha alternativa id\u00f3nea \u00e1s f\u00f3rmulas de emprego protexido<\/strong>, baseadas nunha filosof\u00eda claramente asistencial e concibidas cun car\u00e1cter instrumental e non como perpetradora do cambio nin como soluci\u00f3n final ao problema.<\/p>\n","protected":false},"excerpt":{"rendered":" Un total de 172 persoas participantes no programa de Emprego con Apoio da Federaci\u00f3n Down Galicia estiveron contratadas en empresas ordinarias da s\u00faa contorna durante o ano 2021. Este dato \u00e9 case id\u00e9ntico ao obtido no mesmo per\u00edodo do…<\/p>\n","protected":false},"author":1,"featured_media":14527,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"give_campaign_id":0,"footnotes":""},"categories":[444,438,592],"tags":[],"class_list":["post-14526","post","type-post","status-publish","format-standard","has-post-thumbnail","hentry","category-down-galicia-gl-lf","category-formacion-e-emprego-hemeroteca-gl-lf","category-noticias-sindrome-de-down-gl-lf"],"acf":[],"yoast_head":"\n