{"id":14826,"date":"2021-02-24T13:03:19","date_gmt":"2021-02-24T12:03:19","guid":{"rendered":"https:\/\/downgalicia.org\/down-espana-esixe-que-non-se-abandone-as-persoas-con-sindrome-de-down-maiores-de-40-anos\/"},"modified":"2021-02-24T13:03:19","modified_gmt":"2021-02-24T12:03:19","slug":"down-espana-esixe-que-non-se-abandone-as-persoas-con-sindrome-de-down-maiores-de-40-anos","status":"publish","type":"post","link":"https:\/\/downgalicia.org\/gl-lf\/down-espana-esixe-que-non-se-abandone-as-persoas-con-sindrome-de-down-maiores-de-40-anos\/","title":{"rendered":"Down Espa\u00f1a esixe que non se abandone \u00e1s persoas coa s\u00edndrome de Down maiores de 40 anos"},"content":{"rendered":"

Unha vez m\u00e1is, desde Down Espa\u00f1a e Down Galicia, dirix\u00edmonos \u00e1s persoas responsables de Sa\u00fade P\u00fablica do Ministerio de Sanidade e da Conseller\u00eda de Sanidade da Xunta de Galicia para esixir a inclusi\u00f3n expl\u00edcita na Estratexia de vacinaci\u00f3n das persoas coa s\u00edndrome de Down maiores de 40 anos<\/strong>, pois, tal e como xa demostraron varios estudos cient\u00edficos, o seu risco ante a COVID-19 \u00e9 moi elevado.<\/p>\n

Durante estes d\u00edas, nalgunhas Comunidades est\u00e1 a vacinarse \u00e1s persoas de 70-80 anos en diante, sanitarios e profesionais cuxa exposici\u00f3n ao virus sexa alta e estase deixando de lado a priorizaci\u00f3n das persoas que pola s\u00faa natureza ou por diferentes comorbilidades te\u00f1en unha gravidade asociada en caso de contaxio<\/strong>.<\/p>\n

Down Espa\u00f1a e Down Galicia piden que non se abandone \u00e1 s\u00faa sorte \u00e1s persoas coa s\u00edndrome de Down adultas<\/strong>, moito menos cando xa hai unha s\u00f3lida evidencia cient\u00edfica que sinala o risco que corren en caso de contaxio por COVID-19, avalada agora mesmo pola publicaci\u00f3n \u2018Vulnerabilidade m\u00e9dica das persoas coa s\u00edndrome de Down ao COVID-19\u2019<\/a><\/strong> na revista THE LANCET<\/strong>, baseada no estudo desenvolvido por T21RS, a sociedade cient\u00edfica internacional de investigaci\u00f3n sobre a s\u00edndrome de Down. Nela, ap\u00fantase que \u201cunha persoa coa s\u00edndrome de Down de 40 anos ou m\u00e1is ten un risco incrementado similar ao de algu\u00e9n 30 anos maior e, en conxunto, te\u00f1en o triplo de posibilidades de desenvolver unha enfermidade severa ou de falecer\u201d.<\/p>\n

Non \u00e9 comprensible que se reco\u00f1eza a importancia deste achado e que, ao mesmo tempo, o Grupo de traballo t\u00e9cnico de vacinaci\u00f3n COVID-19 do Ministerio de Sanidade, que elabora e actualiza a Estratexia de Vacinaci\u00f3n, a\u00ednda non o tivera en conta.<\/p>\n

Afortunadamente, un bo n\u00famero de persoas coa s\u00edndrome de Down maiores de 40 anos foron vacinadas ao residir en instituci\u00f3ns asistenciais ou residencias, pero \u00e9 urxente que a vacinaci\u00f3n chegue a todas elas \u2013tam\u00e9n \u00e1s que viven nos seus domicilios con ou sen os seus familiares-, a trav\u00e9s de citaci\u00f3ns dos seus Centros de Sa\u00fade.<\/p>\n

Down Espa\u00f1a ofreceu, tanto ao Ministerio como \u00e1s comunidades aut\u00f3nomas apoio para difundir informaci\u00f3n sobre a importancia da vacinaci\u00f3n para as persoas coa s\u00edndrome de Down, pero \u00e9 necesario que se tome unha decisi\u00f3n de priorizaci\u00f3n canto antes, xa que a dificultade de subministraci\u00f3n de vacinas dispo\u00f1ibles non xustifica o que non as tivesen en conta xa.<\/p>\n