{"id":15130,"date":"2019-09-09T09:31:47","date_gmt":"2019-09-09T07:31:47","guid":{"rendered":"https:\/\/downgalicia.org\/aberto-o-prazo-de-preinscricion-para-o-encontro-de-familias-e-irmans-de-almeria-deste-outono\/"},"modified":"2019-09-09T09:31:47","modified_gmt":"2019-09-09T07:31:47","slug":"aberto-o-prazo-de-preinscricion-para-o-encontro-de-familias-e-irmans-de-almeria-deste-outono","status":"publish","type":"post","link":"https:\/\/downgalicia.org\/gl-lf\/aberto-o-prazo-de-preinscricion-para-o-encontro-de-familias-e-irmans-de-almeria-deste-outono\/","title":{"rendered":"Aberto o prazo de preinscrici\u00f3n para o Encontro de familias e irm\u00e1ns de Almer\u00eda deste outono"},"content":{"rendered":"

O prazo para participar no 19\u00ba Encontro de familias e o 11\u00ba Encontro de Irm\u00e1ns e irm\u00e1s de persoas coa s\u00edndrome de Down e discapacidade intelectual xa est\u00e1 aberto desde esta fin de semana e finalizar\u00e1 o 16 de setembro, \u00e1s 10:00 horas. Asalsido Down Almer\u00eda colle o testemu\u00f1o de Down Compostela e organiza o evento deste ano, que ter\u00e1 lugar do 31 de outubro ao 3 de novembro.<\/p>\n

Ambos eventos, coordinados con Down Espa\u00f1a, desenvolveranse conxuntamente. A cita inaugurarase no Auditorio municipal Maestro Padilla o 31 de outubro e transcorrer\u00e1 en instalaci\u00f3ns da Universidad de Almer\u00eda ata o 3 de novembro.<\/p>\n

Tras esta primeira fase de preinscrici\u00f3n, as prazas definitivas asignaranse a trav\u00e9s dun sorteo on-line no que tomar\u00e1n parte os n\u00fameros de todas as familias prerexistradas. Este sorteo realizarase o 19 de setembro. As familias que obte\u00f1an praza no sorteo ter\u00e1n ent\u00f3n un prazo de 5 d\u00edas para realizar o pago de inscrici\u00f3n.<\/p>\n

Como realizar a preinscrici\u00f3n e pago<\/strong><\/p>\n

As e os interesados deber\u00e1n realizar o proceso de preinscrici\u00f3n a trav\u00e9s da web encuentrodefamiliasdown.com. Para encher o formulario, se a familia xa asistiu a alg\u00fan dos encontros anteriores deber\u00e1 acceder como \u2018Familia rexistrada\u2018; en caso contrario, deber\u00e1n entrar como \u2018Familia non rexistrada\u2019. As familias dispo\u00f1en dun documento de axuda para o proceso de preinscrici\u00f3n<\/a>, onde se detallan os pasos para seguir.<\/p>\n

As familias seleccionadas ter\u00e1n desde o 19 de setembro ata o 25 \u00e1s 12 horas para pagar, a trav\u00e9s da aplicaci\u00f3n, a cota correspondente mediante tarxeta de cr\u00e9dito e, desta forma, confirmar a s\u00faa inscrici\u00f3n. No caso de que haxa familias que non formalicen a inscrici\u00f3n pasado o prazo, procederase a contactar coas que estean na lista de espera, seguindo a orde establecida no sorteo.<\/p>\n

Programa do encontro<\/strong><\/p>\n

\"\"<\/p>\n

Este 19\u00ba Encontro de familias de persoas coa s\u00edndrome de Down e discapacidade intelectual ten como obxectivos:<\/p>\n

– Apoiar \u00e1s familias para debater como facer posible o respecto dos dereitos e a vida independente dos seus fillos e fillas.<\/p>\n

– Potenciar o debate, a vinculaci\u00f3n e o intercambio de experiencias entre as persoas asistentes.<\/p>\n

– Dar protagonismo \u00e1s persoas coa s\u00edndrome de Down e discapacidade intelectual e \u00e1s s\u00faas familias.<\/p>\n

– Gozar e compartir momentos de lecer e tempo libre con outras familias para aumentar a cohesi\u00f3n entre o colectivo.<\/p>\n