{"id":15434,"date":"2018-04-16T13:01:03","date_gmt":"2018-04-16T11:01:03","guid":{"rendered":"https:\/\/downgalicia.org\/down-galicia-e-a-conselleria-de-educacion-presentan-un-protocolo-para-a-atencion-educativa-do-alumnado-coa-sindrome-de-down-e-ou-discapacidade-intelectual\/"},"modified":"2018-04-16T13:01:03","modified_gmt":"2018-04-16T11:01:03","slug":"down-galicia-e-a-conselleria-de-educacion-presentan-un-protocolo-para-a-atencion-educativa-do-alumnado-coa-sindrome-de-down-e-ou-discapacidade-intelectual","status":"publish","type":"post","link":"https:\/\/downgalicia.org\/gl-lf\/down-galicia-e-a-conselleria-de-educacion-presentan-un-protocolo-para-a-atencion-educativa-do-alumnado-coa-sindrome-de-down-e-ou-discapacidade-intelectual\/","title":{"rendered":"Down Galicia e a Conseller\u00eda de Educaci\u00f3n presentan un protocolo para a atenci\u00f3n educativa do alumnado coa s\u00edndrome de Down e\/ou discapacidade intelectual"},"content":{"rendered":"

Representantes da Federaci\u00f3n Down Galicia e da Conseller\u00eda de Educaci\u00f3n presentaron esta ma\u00f1\u00e1 na Cidade da Cultura o Protocolo para a atenci\u00f3n educativa do alumnado coa s\u00edndrome de Down e\/ou discapacidade intelectual<\/u><\/a>, que ten como eixo central o dereito de todo o alumnado a unha educaci\u00f3n inclusiva, equitativa e de calidade, que promova as s\u00faas oportunidades de desenvolvemento persoal, social e laboral ao longo da s\u00faa vida.<\/p>\n

Este documento, que tardou en elaborase case un ano e medio, foi creado a petici\u00f3n da Federaci\u00f3n Down Galicia por un grupo interdisciplinario constitu\u00eddo por asesores t\u00e9cnicos docentes da Conseller\u00eda de Educaci\u00f3n, Cultura e Ordenaci\u00f3n Universitaria, un membro dos Equipos de Orientaci\u00f3n Espec\u00edficos (EOE), un profesor dun centro de Educaci\u00f3n Secundaria e membros da Comisi\u00f3n de Educaci\u00f3n de Down Galicia. Desde a Federaci\u00f3n queremos darlle as grazas a todos e todas elas polo seu traballo e implicaci\u00f3n.<\/p>\n

Durante a presentaci\u00f3n, o presidente de Down Galicia puxo de manifesto a necesidade de continuar avanzando no eido da inclusi\u00f3n educativa do colectivo e quixo agradecer a disposici\u00f3n da Xunta de Galicia para elaborar un documento tan necesario como este protocolo. Delmiro Prieto salientou que \u201c\u00e9 un punto de partida importante, que hai que po\u00f1er en pr\u00e1ctica para seguir avanzando, porque a pesar do t\u00edtulo do protocolo, \u00e9 de aplicaci\u00f3n universal, xa que a escola inclusiva \u00e9 para todo o mundo\u201d.<\/p>\n

Pola s\u00faa parte, Rom\u00e1n Rodr\u00edguez, Conselleiro de Educaci\u00f3n, destacou que un dos piares b\u00e1sicos dun sistema educativo exemplar \u00e9 atender a todas as especificidades do alumnado e que \u201ccada neno dispo\u00f1a das oportunidades e das condici\u00f3ns necesarias para a aprendizaxe\u201d. Isto \u00e9 \u201cconverter a diversidade nunha oportunidade\u201d.<\/p>\n

A inclusi\u00f3n como principio<\/strong><\/p>\n

\u00c9 nunha escola aberta, flexible e sen prexu\u00edzos onde todos os nenos, nenas, mozos e mozas dunha determinada comunidade poden e deben estar, participar, aprender e progresar. <\/em>Cando nos referimos ao alumnado con discapacidade intelectual ou s\u00edndrome de Down, a consideraci\u00f3n debe ser a mesma. Precisamos continuar avanzando cara unha escola inclusiva, que se apoie na convicci\u00f3n de que todos os alumnos e alumnas poden aprender cando se lles outorgan as oportunidades e condici\u00f3ns de aprendizaxe axeitadas, educando en valores que unicamente se aprenden en contextos de diversidade, como a igualdade a solidariedade, empat\u00eda, axuda mutua, respecto, tolerancia, compromiso cos demais,…<\/p>\n

Neste contexto, os piares fundamentais nos que se asenta o protocolo son:<\/p>\n