PUNTO VIRTUAL DE EDUCACIÓN
CREACIÓN DE MATERIAIS ACCESIBLES
METODOLOXÍAS E ESTRATEXIAS
METODOLOXÍAS E ESTRATEXIAS VENCELLADAS COA ACCESIBILIDADE:
APRENDIZAXE BASEADA EN PROXECTOS
A Aprendizaxe baseada en Proxectos (ABP) é unha estratexia metodolóxica de deseño e programación na que se implementa un conxunto de tarefas baseadas na resolución das preguntas ou problemas (retos). O alumnado realiza un proceso de investigación e creación no que traballa con un alto nivel de cooperación e que culmina cun produto final que se presenta aos demais.
A Aprendizaxe baseada en Proxectos fomenta buscar, elixir, discutir, aplicar, corrixir e ensaiar.
Pasamos de “aprender é memorizar” a “aprender é facer”.
A Aprendizaxe baseada en Proxectos permite a elección e implicación do alumnado, facilita o empoderamento do mesmo e faino protagonista da súa propia aprendizaxe, implantando unha educación máis activa centrada no “saber facer”.
Máis información:
- Consejería de Educación , Universidades, Cultura y Deportes do Goberno de Canarias. Información sobre a Aprendizaxe Baseada en Proxectos.
- Consejería de Educación , Universidades, Cultura y Deportes do Goberno de Canarias (2017). Infografía Aprendizaxe Baseada en Proxectos.