BOAS PRÁCTICAS EN EDUCACIÓN INCLUSIVA
PUNTO VIRTUAL DE EDUCACIÓN
Neste apartado poderás atopar proxectos e iniciativas de éxito a prol da educación inclusiva levadas a cabo por distintos centros escolares de todo o país.
Desta forma, queremos impulsar a atención á diversidade e a inclusión educativa e poñer en valor as boas prácticas que se levan a cabo nos centros docentes.
CEIP do Foxo (A Estrada – Pontevedra)
Os “Proxectos educativos con vocación comunitaria” céntranse na construción dun Plan de educación inclusiva local a través do establecemento progresivo de redes educativas e sociais nas que converxen os distintos membros da comunidade implicados no proxecto.
O proxecto “La Voz de sus ojos” baséase no uso de Fotovoz, un método que emprega a fotografía e o diálogo para promover o cambio e a mellora social na escola.
CEP Antonio Magariños Pastoriza (Cambados – Pontevedra)
Os proxectos “Aprendendo a cooperar. Cooperar… para aprender” e “Aprendizaxe cooperativa e inclusión” baséanse no emprego da metodoloxía da aprendizaxe cooperativa como medida de atención á diversidade.
CPI Castroverde (Castroverde – Lugo)
O proxecto “Comunidades de Aprendizaxe” baséase nun novo modelo educativo, o coñecido como aprendizaxe dialóxico, no que se integra na comunidade educativa ao entorno do alumnado, primando o diálogo e o traballo colectivo.
CEIP Nosa Señora dos Remedios (Ponteareas – Pontevedra)
O proxecto “Senticolor” nace co obxectivo de introducir as TICs no funcionamento habitual das aulas para producir un cambio metodolóxico, promover a aprendizaxe colaborativa e a aprendizaxe por proxectos.
CPI de Atios (Valdoviño – A Coruña)
A través de distintas metodoloxías (aprendizaxe cooperativa, materiais manipulativos, tarefas e proxectos multidisciplinares, intelixencia emocional, titorías entre iguais, etc.), o proxecto “Intelixencias múltiples” consegue que cada nena e neno teña a oportunidade de desenvolver as súas fortalezas.
Canle de Youtube Atios Valdoviño
IES Pino Manso (O Porriño – Pontevedra)
O proxecto “Entre todos é posible” baséase no emprego da metodoloxía da aprendizaxe cooperativa como medida de atención á diversidade na Formación Profesional Básica.
CEIP Carlos Casares (Xinzo de Limia – Ourense)
“Recunchos dinámicos inclusivos” baséase na metodoloxía da aprendizaxe cooperativa para fomentar a inclusión educativa.
IES Sanxenxo (Sanxenxo – Pontevedra)
A través de distintas actividades no horario de lecer, “Recreos alternativos” busca incluír ao alumnado con máis dificultades en habilidades sociais e diminuír a conflitividade.
CEIP O Coto (Negreira – A Coruña)
“Proxecto cociña” busca traballar de forma conxunta con nenos e nenas de 3 a 6 anos a través de distintas habilidades culinarias: creación, elaboración e degustación de receitas.
CEIP San Xoan de Filgueira (Ferrol – A Coruña)
“A miña escola, a miña familia” é un proxecto que se basea na educación en valores e na convivencia pacífica e que se vale do poder transformador da participación das familias no centro educativo.
Colexio Nosa Señora do Rosario (Arzúa – A Coruña)
No proxecto “Aprendizaxe cooperativa e cans terapéuticos” empréganse as novas tecnoloxías, os recursos do entorno, os cans terapéuticos e o Aprendizaxe cooperativo como ferramentas de traballo.
CEIP Nº1 Tui (Tui – Pontevedra)
A través de plataformas dixitais, o profesorado do centro conseguiu impartir teleformación empregando a metodoloxía DUA (deseño universal para a aprendizaxe) durante o confinamento, conseguindo comunicarse e deseñar propostas didácticas para todo o alumnado.
CEIP Luís Seoane (Oleiros – A Coruña)
1º Premio ás boas prácticas en inclusión educativa da Xunta de Galicia – Categoría Infantil e Primaria
O proxecto “Convive no Luís Seoane” ten como obxectivo a inclusión de todo o alumnado e, en especial, do alumnado con necesidades educativas especiais, a través de múltiples actividades: organizar as actividades de ocio nos recreos, mediar en conflitos entre compañeiros e compañeiras, mellorar as relacións, incluír ao alumnado máis tímido ou con necesidades específicas de apoio e fomentar o coidado da zona arborada do centro.
Noticia La Opinión de A Coruña
CEP Pilar Maestu Sierra (A Pobra do Caramiñal – A Coruña)
2º Premio ás boas prácticas en inclusión educativa da Xunta de Galicia – Categoría Infantil e Primaria
“A escola que soñamos e soñaremos” basea o seu bo facer na participación activa das familias. Unha escola que acolle á diferenza, na que todas as capacidades son benvidas, e que constrúe contornas seguras e acolledoras.
CEIP de Quiroga (Quiroga – Lugo)
3º Premio ás boas prácticas en inclusión educativa da Xunta de Galicia – Categoría Infantil e Primaria
O seu proxecto fai fincapé no diálogo e a axuda entre todos os membros que forman parte da súa comunidade educativa como instrumentos favorecedores da inclusión e da convivencia.
CEIP Gregorio Sanz (Ribadeo – Lugo)
Accésit nos Premios ás boas prácticas en inclusión educativa da Xunta de Galicia – Categoría Infantil e Primaria
Este proxecto desenvolve accións que fomentan que todo o alumnado xogue nos tempos de lecer a través da figura dos superdinamizadores e das superdinamizadoras (o propio alumnado).
IES Manuel Murguía (Arteixo – A Coruña)
1º Premio ás boas prácticas en inclusión educativa da Xunta de Galicia – Categoría ESO, Bacharelato e FP Básica
O proxecto “Musicalarteixo” ten a música e o cine como fío condutor para a inclusión. Desenvolven un proxecto social que fomenta a igualdade e a non discriminación e que sirve para compensar as desigualdades persoais, culturais, económicas e sociais presentes na realidade do centro.
IES Montecelo (Pontevedra)
2º Premio ás boas prácticas en inclusión educativa da Xunta de Galicia – Categoría ESO, Bacharelato e FP Básica
Co seu proxecto puxeron en práctica un modelo educativo que ten en conta as potencialidades e o benestar emocional do alumnado para favorecer o acceso a novas oportunidades de aprendizaxe que lle permita e facilite o camiño para o acceso ao mundo laboral.
EPAPU de Monterroso (Monterroso – Lugo)
3º Premio ás boas prácticas en inclusión educativa da Xunta de Galicia – Categoría ESO, Bacharelato e FP Básica
O seu proxecto céntrase en crear unha contorna de aceptación na que se xeren condutas sociais responsables, solidarias e respectuosas, promovendo a tolerancia, a liberdade, a xustiza, a igualdade entre homes e mulleres e o respecto polos dereitos de todos e todas.
IES Miguel Ángel González Estévez (Vilagarcía de Arousa – Pontevedra)
Accésit nos Premios ás boas prácticas en inclusión educativa da Xunta de Galicia – Categoría ESO, Bacharelato e FP Básica
“Marzo sen fronteiras” é un proxecto que pretende fomentar a participación na actividade física e o deporte das persoas con discapacidade, favorecendo a súa inclusión social.
IESO Pinares de Pedrajas (Pedrajas de San Esteban, Valladolid)
O proxecto “Somos unha piña” aposta polo traballo en común e por proxectos coa finalidade de colaborar coa contorna do pobo de Pedrajas de San Esteban, mellorar a convivencia no centro e facilitar a implicación de tódolos membros da comunidade educativa nun obxectivo común.
