Se desexas axudar a Down Galicia, podes facelo de diferentes maneiras:
Unha sociedade inclusiva é unha sociedade na que todas as persoas contan
e todas as persoas participan sen quedar fóra.
A Federación Down Galicia e as súas entidades traballan cada día
para construír unha sociedade máis xusta e inclusiva.
Isto significa unha sociedade que ten en conta as capacidades
de todas as persoas. Non importa como sexan: non se fan distincións.
Todas as persoas teñen o mesmo valor e os mesmos dereitos.
Gracias á túa colaboración, podemos seguir axudando
ás persoas coa síndrome de Down e outras discapacidades intelectuais
para que desenvolvan o seu proxecto de vida
en igualdade de condicións co resto da sociedade.
Traballamos nas seguintes áreas:
Fai que a túa empresa axude
Doa diñeiro
Podes doar cada mes ou cando che vaia ben.
Os teus cartos axudan a proxectos que melloran a vida
das persoas coa síndrome de Down
e outras discapacidades intelectuais.
Doa produtos ou servizos
Podes doar materiais ou produtos
para as nosas actividades.
Tamén podes ceder as instalacións da túa empresa para eventos ou actos.
Segundo a lei, ceder bens tamén conta como doazón,
e pódelo deducir nos impostos.
Axuda a traballar
Podes ofrecer formación práctica na túa empresa
a persoas usuarias de Down Galicia.
Tamén podes contratalas.
Temos unha bolsa de emprego, de acordo co programa Emprego con Apoio.
Doa a través do Imposto de Sociedades
As empresas poden dar o 0,7% do Imposto de Sociedades a unha ONG
(Organización non Gobernamental).
Non costa diñeiro extra e axuda a Down Galicia a financiar os seus proxectos.
Que é?
Un testamento solidario é un testamento onde inclúes a unha ONG
como beneficiaria da túa herdanza.
Isto non prexudica aos teus herdeiros legais.
A ONG non paga impostos. É por iso que todo o diñeiro úsase para axudar.
Por que facer un testamento?
Se ti redactas o teu testamento, podes decidir quen recibirá os teus bens.
Se non o fas, a lei decide por ti.
Prexudica aos herdeiros?
Non. Os herdeiros legais sempre reciben a súa parte.
A parte que queda libre pódese dar a calquera persoa
ou entidade sen ánimo de lucro, como Down Galicia.
Que fai Down Galicia co que lle deixas no testamento?
Como incluír a Down Galicia no teu testamento?
É un proceso sinxelo que tes que facer ante notario.
Non necesitas ter moito diñeiro; calquera doazón axuda.
E non se trata só de diñeiro, tamén podes doar outros bens,
como unha vivenda ou un coche.
Datos que tes que aportar para incluír a Down Galicia no teu testamento:
Se xa fixeches testamento, podes modificalo
para incluír á Federación Down Galicia como beneficiaria.