Portada » Os Obxectivos de Desenvolvemento Sostible e a síndrome de Down

Os Obxectivos de Desenvolvemento Sostible e a síndrome de Down

Obxectivos de Desenvolvemento Sostible (ODS)

Os Obxectivos de Desenvolvemento Sostible (ODS) son 17 metas
para mellorar o mundo e resolver problemas importantes.
Algúns destes obxectivos son os seguintes:

Evitar a desigualdade entre as persoas.
Coidar o medio ambiente.
Mellorar a saúde de todas as persoas.
Garantir un emprego xusto.
Resolver outros problemas importantes.

Os ODS forman parte da Axenda 2030,
un plan de accións creado pola ONU no ano 2015 para garantir
os dereitos das persoas e do planeta.

A ONU é a Organización das Nacións Unidas.
É un grupo de países que traballan xuntos
para mellorar a vida das persoas en todo o mundo.

O papel das ONG

As ONG son organizacións sen ánimo de lucro,
é dicir, organizacións que non buscan gañar diñeiro.
Estas entidades utilizan o diñeiro que gañan
para seguir mellorando os seus proxectos.

As ONG poden axudar moito a que se cumpran os ODS.
Isto é así por estes motivos:

Axudan a mellorar a sociedade.
Traballan xunto aos gobernos.
Desenvolven proxectos coas seguintes metas:
- Reducir as desigualdades
- Apoiar a persoas e grupos vulnerables,
  como persoas con discapacidade

Como axudamos nós a cumprir os ODS?

En Down Galicia traballamos para cumprir os ODS de forma organizada:

Primeiro vemos que obxectivos podemos axudar a cumprir.
Despois poñemos en marcha accións e programas para logralo.

Para que esta axuda sexa o máis adecuada posible,
levamos a cabo estas accións:

Eliximos que é o máis importante para o Movemento Down.
Medimos os resultados do noso traballo.
Usamos a Axenda 2030 no noso traballo diario.

Que ODS desenvolvemos?

En Down Galicia traballamos en 7 dos 17 ODS. Son os seguintes:

Obxectivo 3: Saúde e benestar.

Asegurar que todas as persoas poidan ter unha vida san
e sentirse ben a calquera idade.

Obxectivo 4: Educación de calidade.

Asegurar que todas as persoas teñan unha educación de calidade,
xusta e igual,
e que poidan seguir aprendendo durante toda a vida.

Obxectivo 5: Igualdade de xénero.

Conseguir que homes e mulleres
teñan os mesmos dereitos e oportunidades,
e apoiar a todas as mulleres e nenas
para que poidan decidir sobre a súa propia vida.

Obxectivo 10: Redución das desigualdades.

Facer que haxa menos diferencias entre as persoas dun país
e entre os diferentes países.

Obxectivo 16: Paz, xustiza e institucións sólidas.

Conseguir que haxa paz
e que todas as persoas poidan participar, acceder á xustiza
e contar con institucións eficaces, abertas e responsables.

Obxectivo 17: Alianzas para alcanzar os obxectivos.

Mellorar os recursos para conseguir un desenvolvemento sostible
e aumentar a colaboración entre os países para conseguilo.