Risas, aplausos e moita música na estrea da nova obra do Grupo de teatro Down Compostela
Preto de 15 empresas que desenvolven a súa actividade en Santiago asistiron a un encontro empresarial organizado pola Fundación Mapfre. O obxectivo foi presentarlles o programa “Juntos somos Capaces”, que leva a cabo esta entidade desde 2010 co fin de promover a formación ocupacional e a inserción laboral de persoas con discapacidade intelectual e enfermidade mental. Durante o encontro, que foi posible grazas ao apoio da Cámara de Comercio de Santiago de Compostela, Down Compostela e Down Galicia, convidouse ás empresas, entre elas El Corte Inglés, Gadisa e Eulen, a que participen en dito programa, facilitando a estas persoas, en risco de exclusión social e en situación de desemprego de longa duración, prácticas laborais coas que obteñan máis oportunidades profesionais no futuro. As empresas que se adhiran a este programa recibirán o apoio e o seguimento necesario por parte de profesionais especializados de entidades como Down Galicia. A Cámara de Comercio de Santiago sigue demostrando así o seu grande compromiso coas persoas máis vulnerables, apoiando o seu desenvolvemento profesional, a súa educación e o seu acceso ao emprego. Os excelentes resultados do programa Juntos Somos Capaces converten a Fundación Mapfre nun dos principais dinamizadores da inserción socio-laboral das persoas con discapacidade intelectual e enfermidade mental en España. Desde fai catro años, o programa fixo posible que un total de 2.000 empresas colaboren actualmente co programa, facilitando a formación a máis de 1.000 persoas e a inserción laboral a máis de 1.300. No acto participaron Jesús Asorey, Presidente da Cámara de Comercio de Santiago de Compostela; Fernando Barros, Secretario Xeral da Cámara de Comercio de Santiago de Compostela; Héctor Santos, Director da Oficina de Mapfre en Santiago; e Juan Martínez López, Presidente de Down Compostela
Entradas relacionadas
