Down Galicia contrata 9 profesionais para postos técnicos da Federación ao abeiro dos Programas de Cooperación 2021-2022
Co apoio da Secretaría Xeral de Igualdade e do Fondo Social Europeo, Down Galicia desenvolveu entre os meses de febreiro e novembro de 2014 un proxecto de “información, asesoramento e orientación laboral para mulleres con discapacidade intelectual ocupadas, desempregadas e/ou en mellora de emprego”. Este proxecto tivo por beneficiarias a 51mulleres con discapacidade intelectual e/ou síndrome de Down, maiores de 16 anos e localizadas en diferentes puntos da Comunidade Autónoma galega. Así mesmo, a modo de beneficiarias indirectas, destacamos ademais, as entidades do sector empresarial, as entidades do sector de discapacidade e, moi especialmente, as familias das beneficiarias directas. O obxectivo principal foi o de facilitar os recursos e apoios necesarios ás mulleres con discapacidade co fin de superar situacións de desigualdade no ámbito socio-laboral a través da información, formación e orientación laboral. Para iso, leváronse a cabo unha serie de actividades entre as que destacan a análise das capacidades e habilidades das beneficiarias, así como das súas expectativas e preferencias laborais, para establecer as accións máis axeitadas para a súa inserción. Neste sentido, realizáronse accións individuais de información, entrevistas de orientación; plans personalizados de emprego e accións orientadas a poñelas en contacto con outros organismos e entidades de utilidade neste proceso, como as administracións públicas, entidades polo emprego, centros de información xuvenil, cámaras de comercio ou organizacións empresariais. En definitiva, tratouse de favorecer que as mulleres con discapacidade intelectual en xeral, e síndrome de Down en particular, adquiran as habilidades e recursos necesarios para enfrontarse á vida laboral dun modo eficaz.
Entradas relacionadas
