O Servizo de Orientación Laboral de Down Galicia atende a 252 persoas usuarias de entidades Down desenvolvendo máis dun milleiro de accións
Accederon a este tipo de formacións ocupacionais e participan nelas de xeito totalmente inclusivo, en igualdade de condicións que calquera outra persoa. Os cursos AFD están destinados a persoas desempregadas inscritas no Servizo Público de Emprego. Por sectores, o maior número concentrase en “operacións auxiliares de servizos de administración e xerais”, con 6 participantes. De seguido, “operacións básicas de cociña” conta con 4 persoas participantes, “operacións de gravación e tratamento de datos e documentos” con 2, “traballos de carpintería e moble” tamén con 2, e “operacións básicas de catering” con 1. Ademais, 1 persoa foi seleccionada para o Obradoiro de Emprego do Concello de Redondela. Por zonas xeográficas, os participantes están a realizar estas formacións en Lugo, Sarria, Xove, Monforte de Lemos, Ferrol, Santiago de Compostela, Redondela e Vigo. Os cursos AFD son formacións ocupacionais cofinanciadas pola Consellaría de Traballo e Benestar e os Concellos, e que permiten que persoas desempregadas inscritas no Servizo Público de Emprego poidan aprender un oficio, especializarse dentro dun sector ou ampliar coñecementos que xa tiñan.
Entradas relacionadas
