Down Galicia contrata 9 profesionais para postos técnicos da Federación ao abeiro dos Programas de Cooperación 2021-2022
Vinte e un mozos e mozas coa síndrome de Down e/ou discapacidade intelectual, usuarios e usuarias de entidades Down en Galicia, asinaron neste inicio de ano un contrato laboral en empresas ordinarias da súa contorna. Por áreas de influencia desde as entidades Down en Galicia, na zona de Vigo foron 10 as persoas que accederon a un posto de traballo, 4 en Pontevedra, 3 en A Coruña, 2 en Ourense, 1 en Compostela e 1 en Lugo. A estas novas insercións súmanse 4 prórrogas e 1 transformación nun contrato indefinido. Todos eles son participantes do programa de Emprego con Apoio que as entidades Down teñen en funcionamento dende xuño de 2002. As persoas inscritas neste programa, que suman un total de 186 entre todas as entidades Down, reciben unha formación e unha preparación laboral que lles permite desempeñar os postos de traballo máis axeitados segundo as capacidades de cada quen. No pasado exercicio, 108 persoas coa síndrome de Down e/ou discapacidade intelectual conseguiron un emprego en empresas ordinarias. Por localidades, na zona de Vigo foron 41 as persoas que traballaron en 2015, 14 en Compostela e Pontevedra, 12 en A Coruña, 10 en Ferrol, 9 en Lugo e 8 en Ourense. Sen embargo, estas 108 persoas asinaron un total de 136 contratos, o que dá conta de que a inestabilidade e a temporalidade nas contratacións seguen a ser os principais atrancos na inserción laboral das persoas con discapacidade intelectual. Aposta polo Emprego Público O acceso ó emprego público para as persoas con discapacidade intelectual en xeral, e coa síndrome de Down, en particular, é unha das reivindicacións históricas da Federación Down Galicia. A Administración central convocara por primeira vez unhas oposicións en quenda única e independente para persoas con discapacidade intelectual no ano 2012, no que ofertaba 3 prazas de ordenanza para a Comunidade Autónoma de Galicia, 2 na Coruña e 1 en Lugo. Naquela ocasión, Mauro Rodríguez acadara o posto de Lugo, converténdose no primeiro galego coa síndrome de Down que acadaba unha praza nunha oposición convocada polo Estado. Nestes últimos meses, as administracións públicas veñen de convocar dous procesos selectivos dirixidos ó colectivo de persoas con discapacidade intelectual. En marzo de 2015, a Xunta de Galicia contemplou por primeira vez na súa historia na oferta de emprego público a reserva de prazas para persoas con discapacidade intelectual e a convocatoria dunhas oposicións dirixidas a este colectivo, neste caso para cubrir 6 prazas de ordenanza. Nesta convocatoria, publicada en marzo de 2016, contémplanse adaptacións como a redacción do exame en lectura fácil, fórmula que facilita a comprensión da información dun texto con frases sinxelas e de composición lóxica -entre outras características-, ou a presentación máis accesible das preguntas. E o pasado decembro de 2015, a Administración Xeral do Estado lanzaba un proceso de selección deste tipo no que ofertaba 70 prazas de Axudante de Xestión e Servizos Comúns (ordenanza) – 6 delas para a Comunidade Autónoma de Galicia-.
Entradas relacionadas
