O local de Down Pontevedra “Xuntos” acollerá durante estes días a exposición “Xoias Solidarias – Bos sentimentos de Isaac Díaz Pardo e Carmen Arias na fábrica Celtia” para apoiar a investigación contra o cancro.
Estas xoias, deseñadas pola escritora Loli Beloso, están realizadas con anacos de porcelana de Celtia, a fábrica que Isaac Díaz Pardo fundou con exiliados galegos en Arxentina. As pezas combinan deseños de porcelana do exilio dos anos 50, montados en prata e con encaixes de bolillos.
Os beneficios obtidos coa venda destas xoias destinaranse á Fundación Pública de Medicina Xenómica que lidera Ángel Carracedo.
O doutor Manuel Fernández Arruty exercerá como padriño desta mostra, que estará aberta ao público do 18 de decembro ao 10 de xaneiro.