Down Pontevedra – Xuntos asina un convenio de colaboración coa SD Teucro para promover a inclusión social

A Asociación Down Pontevedra – Xuntos e a Sociedade Deportiva Teucro asinaron estes días un convenio de colaboración co obxectivo de promover a inclusión social das persoas coa síndrome de Down e/ou discapacidade intelectual. Deste xeito, persoas usuarias da área de vida adulta da asociación pontevedresa participarán en labores organizativas e de apoio dentro da estrutura e o funcionamento do clube. As súas funcións serán as de auxiliar de campo e de taquilla nos partidos que xogue o primeiro equipo e de delegado de pista nos encontros dos equipos da base do Teucro. Aínda que o convenio se asinou con vixencia para a presente tempada, a intención de ambas partes é poder estendelo durante os próximos anos.