A Fundación Down Compostela entregará os II Premios Down Compostela, constituídos para recoñecer a labor de persoas, entidades e institucións que contribúen a mellorar a calidade de vida das persoas coa síndrome de Down e discapacidade intelectual. A gala de entrega dos galardóns celebrarase a noite do día 20 de marzo no Hostal dos Reis Católicos. Os galardoados nesta edición son o Colexio Pérez Viondi da Estrada, polo continuado traballo a favor da inclusión educativa de alumnos coa síndrome de Down; Pizza Móvil, polo apoio reiterado que demostrou cara a integración laboral das persoas con discapacidade; e o BBVA, pola implicación que tanto a nivel de entidade como dos traballadores da súa rede de oficinas teñen demostrado nos últimos anos cara as persoas coa síndrome de Down financiando diversos proxectos da Fundación.
