A Asociación de Empresarios de Redondela asina un convenio de colaboración coa Asociación Down Vigo co fin de promover accións para a integración na vida familiar, social e laboral dos usuarios de Down Vigo. Na sinatura do convenio estiveron presentes José Antonio Gómez, presidente da Asociación de Empresarios de Redondela, Fernando Molina, presidente de Down Vigo e Mª Teresa Paris, concelleira de Servizos Sociais, Ensino e Muller. A Asociación de Empresarios de Redondela colaborará na potenciación de actividades que beneficien á integración laboral de persoas con discapacidade interesadas no Proxecto da Asociación Down Vigo, co fin de realizar accións de motivación laboral e formación ocupacional para acadar unha plena incorporación e normalización no mercado de traballo e na sociedade. Coa sinatura deste acordo estas dúas entidades sen ánimo de lucro, dan un paso máis cara a integración tanto na vida familiar, como na vida social e sobre todo na ámbito laboral das persoas con diversidade funcional.