AFACO contrata a unha moza de Down Coruña como axudante de cociña
Un membro da Asociación Down Lugo realiza prácticas prelaborais no Concello de Agolada grazas a un convenio entre a entidade lucense e as Fundacións Konecta e Mapfre para promover proxectos de inserción laboral para persoas con capacidades diferentes. Trátase do programa “Xuntos somos capaces”, grazas ao cal unha persoa coa síndrome de Down realiza as tarefas propias dun posto de persoal administrativo por un período de tres meses, comprendido desde o pasado mes de xaneiro ata mediados de marzo. Este tipo de iniciativas responden á reivindicación das persoas coa síndrome de Down ao seu dereito a traballar en entornos laborais normalizados e dispoñer de recursos que lles permitan acadar maiores cotas de autonomía e independencia, tanto a nivel social como económico. Así, Down Lugo, a través do seu programa “Emprego con Apoio”, en colaboración con outras entidades e institucións, facilita a inclusión socio-laboral deste colectivo no mercado de traballo ordinario garantindo, para iso, todos os apoios que tanto a persoa, como a familia e o empregador precisan.
Entradas relacionadas
