Xornada de portas abertas en Down Vigo

Dar a coñecer as actividades que se realizan habitualmente na Asociación dun xeito directo e persoal, foi o obxectivo desta xornada celebrada con motivo do Día Mundial da Síndrome de Down. Deste modo, púxose de manifesto como funcionan os programas enfocados a contribuír á mellora da calidade e condicións de vida das persoas coa síndrome de Down, e como se consegue que acaden as máis altas cotas posibles de autonomía e independencia. Incidiuse, ademais, en como se proporcionan os recursos e apoios precisos para facer efectiva a participación plena e activa deste colectivo na sociedade, garantindo a igualdade de oportunidades e de trato.