Trátase dun proxecto de formación integrador no que participan persoas con e sen discapacidade. Os obxectivos fundamentais desta iniciativa pasan por capacitar aos participantes para a súa inclusión no mercado laboral, dotar de novos recursos e habilidades persoais apoiando os programas de emancipación e vida independente da Asociación Down Coruña, e concienciar á opinión pública sobre a capacidade de integración laboral das persoas coa síndrome de Down e outras discapacidades intelectuais. Este proxecto, que foi presentado aos medios de comunicación no restaurante “Árbore da Veira”, conta coa colaboración do chef Luis Veira e do equipo de dito restaurante, no cal se realizarán as prácticas do curso durante un período de 9 meses.