A carreira “6 horas Vila do Corpus” duplica a súa solidariedade e recada 7.500 euros para Down Vigo
Nun encontro co director xeral deste departamento autonómico, Ovidio Rodeiro, explicaron as actividades realizadas ao abeiro dos programas ‘Iniciativa Xove’ e ‘Voluntariado Xuvenil’, e que tiveron como eixos centrais o apoio á vida independente de persoas coa síndrome de Down e a autoxestión e mellora da súa autonomía persoal. O proxecto de voluntariado tivo como principal obxectivo apoiar a vida independente dos mozos e mozas desta entidade e para conseguilo, 8 voluntarios realizaron 480 xornadas de acción voluntaria. Co obxectivo de mellorar a autonomía das persoas participantes, desenvolvéronse actividades centradas na aprendizaxe de habilidades e na adquisición dos coñecementos necesarios relacionados co funcionamento dunha vivenda, en convivencia real con outras persoas. Por outra banda, un total de 21 mozos e mozas usuarios de Down Vigo constituíron o grupo de “Autoxestores” para desenvolver un proxecto dentro do programa Iniciativa Xove. Neste caso, a finalidade foi ampliar o desenvolvemento das súas capacidades persoais, adquirir novas destrezas sociais e aumentar a súa participación en actividades de ocio educativo. Así, para avanzar neste camiño, os membros do grupo realizaron xuntanzas semanais, nas que se fomentou a comunicación a través do debate. Tamén participaron en actividades de ocio educativo en campamentos e albergues xuvenís, onde os propios mozos e mozas tiveron que planificar os programas, buscar os seus recursos de mantenza e decidir as actividades a realizar. En representación dos seus compañeiros e compañeiras, tres participantes nos programas, Marcela, Víctor e Lara, explicaron a importancia desta experiencia a nivel persoal e no seu desenvolvemento como persoas autónomas con capacidade para tomar decisións propias e para relacionarse en pé de igualdade en contornos normalizados.
Entradas relacionadas
