Celebrada una nueva edición del Campeonato de Baristas Down de Galicia
O centro comercial Coruña The Style Outlets acolle ata o 31 de xullo a exposición ‘Identidades’, realizada por mozos e mozas de Down de Vigo en colaboración co grupo de deseñadores La Boîte Is. A exposición consta dunha liña de roupa e xoias, a través da cal dan a coñecer a súa creatividade e poñen en valor a súa capacidade de traballo. Durante o acto de inauguración, o xerente do centro, Javier Moreno definiu “Identidades” como unha “aposta por integrar as persoas con discapacidade a desenvolver a súa creatividade no mundo da moda”. “Estamos convencidos de que os nosos visitantes gozarán moito cas súas orixinais propostas e deseños, vivindo unha experiencia única na súa visita ao centro”, engadiu Moreno. Pola súa parte, Fernando Molina, presidente de Down Vigo, amosou o seu agradecemento ao centro comercial “por brindarnos esta oportunidade de achegar ao público galego as propostas que fixeron algúns dos nosos alumnos e de poder facelo nun marco incomparable, como é un dos centros de moda de referencia de Galicia. ‘Identidades’ pon de relevo a importancia de defender a liberdade individual dentro dunha sociedade en constante cambio. Desde a asociación entendemos que debemos aportar á sociedade aqueles elementos que contribúan á súa evolución positiva”.
Entradas relacionadas
