Down Galicia contrata 9 profesionais para postos técnicos da Federación ao abeiro dos Programas de Cooperación 2021-2022
Neste programa participaron un total de 60 persoas das entidades Down en Santiago de Compostela, Ourense, Pontevedra e Vigo e, das 16 contratadas, só 9 acadaron contratos de ao menos 6 meses de duración e cun mínimo de 45 días de vida laboral cotizados (requisito imprescindible para ser financiadas a través da Consellaría de Traballo e Benestar). Hai que ter en conta que a contratación das persoas con discapacidade intelectual está baixo condicións de contratación temporal a tempo parcial, ao que hai que sumarlle a actual inestabilidade do mercado laboral, polo que o resultado deste programa segue a manter resultados positivos para o colectivo de persoas con dificultades. Os módulos formativos do programa baseáronse, por unha parte, na aprendizaxe de habilidades persoais e sociais en xeral, necesarias para desenvolverse socialmente e relacionarse nun entorno laboral onde se desempeñe un posto de traballo; e por outra, na adquisición dunha formación técnica específica para adquirir coñecementos teóricos necesarios para asimilar e coñecer as tarefas concretas do posto de traballo dos diferentes módulos impartidos: Introdución á horticultura e o viveirismo en Santiago de Compostela, Peón manipulativo en Ourense, Tarefas básicas de operario de recepción e almacenaxe en Pontevedra, e Operario de actividades de procesamento en Vigo.
Entradas relacionadas
