Fundación Ibercaja colabora co programa Emprego Con Apoio para a inserción laboral das personas coa síndrome de Down
As entidades que integran EAPN Galicia lanzan a seguinte pregunta a todas as candidaturas ás eleccións municipais galegas “Cre que a principal prioridade no seu Concello debe ser a mellora da calidade de vida e a dignidade das persoas, especialmente as que se atopan nunha situación de pobreza ou exclusión social?”. A resposta por parte das persoas candidatas solicitarase en forma de sinatura do documento “Compromiso coas persoas”, unha declaración de 15 principios que os candidatos e candidatas asinantes se comprometen a cumprir. O escrito inclúe medidas como o aumento drástico da coordinación e colaboración para a loita contra a pobreza e que permitan abordar a situación cun enfoque inclusivo, concluíndo que en 2016 terá reducido nun 15% o total das persoas que se atopan en risco de exclusión no seu Concello. O compromiso pide, ademais, que no 2016 se dedique un mínimo de 110 euros por habitante ao ano á partida orzamentaria de actuacións de protección e promoción social, que vén sendo o promedio do dedicado polos Concellos e Deputacións galegas no 2013. De non ter acadados estes dous principios, a persoa candidata comprométese a dimitir. Ao cabo da lexislatura, o compromiso implica reducir nun 25% as persoas que se atopan en pobreza ou exclusión, cumprindo así lo establecido na Estratexia Europa 2010, e aumentar os orzamentos sociais a 160 euros por habitante e ano. Para levar a cabo esta campaña, EAPN Galicia realizará entrevistas cos partidos políticos a nivel galego para que difundan o documento entre todos os candidatos e candidatas. Buscarase tamén unha participación activa da cidadanía para que pida aos políticos municipais un compromiso con estas actuacións, facendo desta campaña unha acción global e colectiva. “Concellos ao servizo das persoas” irá acompañada de difusión en redes sociais e medios de comunicación. Contará ademais cun apoio web onde aparecerá información sobre os datos de pobrezas, gasto social e transparencia dos concellos galegos, así como información sobre candidaturas e partidos que se van unido a esta campaña a través da sinatura do compromiso.
Entradas relacionadas
