A Fundación Once colabora economicamente para mellorar o equipamento tecnolóxico de Down Galicia
Un total de 12 persoas das entidades Down en Galicia aprobou o exame das oposicións convocadas pola Administración central do Estado para persoas con discapacidade intelectual. Esta proba, que se celebrara o pasado 9 de maio na Facultade de Ciencias da Información da Universidade Complutense de Madrid, correspondía á primeira fase do proceso selectivo para ingreso como persoal laboral fixo coa categoría de Axudante de Xestión e Servizos Comúns (ordenanza). Hai que lembrar que esta convocatoria corresponde ao Ministerio de Facenda e Administracións Públicas, e no ámbito autonómico galego contempla 3 prazas nas cidades de Vigo, Ourense e A Coruña. As persoas que superaron este primeiro exame, que corresponden ás entidades Down en Ferrol, A Coruña, Santiago de Compostela, Lugo, Ourense e Vigo, quedan á espera de que se publiquen as listas definitivas tras a valoración de méritos. Bolsa de emprego da Deputación de Pontevedra Doutra banda, 7 persoas das entidades Down en Pontevedra e Vigo xa forman parte da bolsa de emprego para contratacións temporais de ordenanza da Deputación de Pontevedra. A esta bolsa, formada por 20 persoas, accederon tras superar as dúas probas do proceso selectivo, un primeiro exercicio tipo test e un segundo exercicio oral sobre un caso práctico. Actualmente, todas as persoas que forman parte desta bolsa de emprego tamén se atopan na fase de presentación de méritos para determinar o posto que ocuparán definitivamente na lista.
Entradas relacionadas
