Down España impulsa o programa de acompañamento familiar “Familias Escucha”
Organizado por DOWN ESPAÑA, en colaboración con DOWN GALICIA, serán tres días para que mozos e mozas con e sen síndrome de Down compartan experiencias e amplíen os seus coñecementos nunha contorna plenamente inclusiva. O prazo de inscrición remata o vindeiro venres 8 de abril de 2016. A segunda edición do Encontro Nacional de Moz@s de DOWN ESPAÑA terá lugar do 20 ó 22 de maio de 2016 en Santiago de Compostela. Trátase dunha cita ideada para os mozos e mozas maiores de 18 anos con e sen síndrome de Down pertencentes ás entidades adheridas á Rede Nacional de Vida Independente de DOWN ESPAÑA. Os participantes aloxaranse nas instalacións do Hostal La Salle, situado no centro histórico da cidade: a oito minutos da Catedral e moi próximo aos principais monumentos da cidade. Alí terán lugar tamén algunhas das actividades programadas. Os obxectivos que persegue este II Encontro Nacional de Moz@s son:
- Proporcionar un espazo de encontro para mozos e mozas de toda España.
- Compartir experiencias e coñecementos relacionados cos diferentes proxectos de Vida Independente.
- Establecer espazos de debate tratando temas sobre a vida independente.
- Recibir formación adicional relacionada coa vida independente.
- Dar a coñecer a cidade e a cultura galega.
Con iso búscase impulsar o debate, o diálogo e o intercambio de información e experiencias entre os mozos e mozas nun contexto totalmente inclusivo de convivencia. Para logralo, deseñouse un programa que contempla desde actividades culturais ao aire libre e visitas turísticas, ata mesas redondas e accións formativas. Inscrición e programa Para xestionar adecuadamente o seguro do Encontro é necesario que cada participante cumprimente a FOLLA DE INSCRICIÓN INDIVIDUAL ó II ENJ 2016 (para obtela é necesario poñerse en contacto coa entidade da que se forme parte). A información debe enviarse ao correo programas@sindromedown.net. Para asegurar un enfoque máis inclusivo, establécese un cociente de participantes de forma que como máximo, de cada 4 mozos ou mozas inscritas 3 teñan síndrome de Down. 
Entradas relacionadas
